Números 9:16 - Tupàn zeꞌeg

¹⁶ Tuweharupi uzexak kar nezewe: 'aromo amo ywàkun upyk tàpuzràn. Pyhaw nuzawy kwaw tata.

Números 9:16 ပူးပေါင်းရင်းမြစ်များ

Neemias 9:12

Eremono kar amo ywàkun wanenataromo 'aromo ne, waho àwàm hexak kar pà wanupe ne. Pyhaw eremono kar tata iaiha ma'e wanenataromo no. Uhyape waho àwàm hexak kar pà wanupe.

Neemias 9:19

Nezewe rehe we nereityk kwaw ywyxiguhu heta haw pe ne wà. Ta'e nepurupuhareko haw uhua'u xe. Neremunyryk kwaw ywàkun wanuwi. Neremunyryk kwaw tata iaiha ma'e wanuwi no. A'e ma'e wexak kar waho àwàm wanupe 'aromo, pyhaw no.

Salmos 105:39

Tupàn umupu'àm amo ywàkun wemiaihu wa'aromo. Pyhaw tata upu'àm ma'e wexak kar waho àwàm wanupe no.

Salmos 78:14

'Aromo wexak kar wanape ràm wanupe ywàkun pupe wiko pà. Pyhaw wexak kar weko haw tata heny kwer pupe no.

Êxodo 40:34

Na'e amo ywàkun upyk tàpuzràn kury. Uhyape katu kury. Tynehem Tupàn Tuweharupi Wiko Ma'e heko haw heny katu haw pupe kury.

Êxodo 40:38

Wata haw nànàn wà, 'aromo wà, wexak ywàkun Tupàn Tuweharupi Wiko Ma'e hereko haw wà, tàpuzràn i'aromo wà. Pyhaw wexak tata i'aromo ukaz ma'e wà no.

1 Coríntios 10:1

Pema'enukwaw Moizez rehe. Wahaw yryhu piràg oho a'e, zaneràmuzgwer waneraha pà a'e. Numàno kwaw wà, ta'e ywàkun oho wanenataromo a'e xe. Tupàn wata oho iko a'e ywàkun pupe a'e, waneraha pà paw rupi a'e.

2 Coríntios 5:19

Nezewe uruze'eg uruiko purupe ure. — Tupàn pemuigo kar umyrypar romo a'e, ta'e umur kar Zaneruwihawete ywy rehe a'e xe, penekuzaromo imumàno kar pà a'e xe. Tupàn na'ima'enukwaw kwaw penemiapo kwer ikatu 'ym ma'e rehe. Umume'u umyrypar romo pemuigo kar haw urewe, uru'e uruiko purupe. — Pemume'u peho amogwer teko wanupe nehe, i'i iko urewe, uru'e uruiko teko wanupe.

Deuteronômio 1:33

Tuweharupi oho penenataromo tata upu'àm ma'e pupe pyhaw, ywàkun pupe 'aromo no. Uzapo nezewe haw tuweharupi peker àwàm peme hexak kar pà, penape ràm peme hexak kar pà no.

Apocalipse 21:3

Aenu amo ma'e uze'eg mehe uhapukaz mehe tuwihaw henaw pe ihe. — Tupàn heko haw a'e kury, teko wapyr tuz a'e kury, i'i iko. — Tupàn wiko putar wapyr a'e nehe. Hemiruze'eg romo wanekon putar a'e wà nehe no. Tupàn a'e ae wiko putar wapyr nehe, wainuromo nehe. Wiko putar wazar romo nehe. Wiko putar wanuwihaw romo nehe.