Números 5:17 - Tupàn zeꞌeg

¹⁷ Uzakook putar 'y Tupàn henataromo imukatu pyrer ywy'a pupe nehe. Upyhyk putar ywy opo ipor tàpuzràn Tupàn pe imonokatu pyrer pupe har nehe no. Omono putar a'e 'y pupe nehe.

Números 5:17 ပူးပေါင်းရင်းမြစ်များ

Jó 2:12

Muite wi hexak mehe nukwaw kwaw Izo a'e wà. Na'e wexak katu wà. — Izo romo hekon azeharomoete, i'i izupe wà. Na'e uzypyrog uzai'o pà uhapukaz pà wà. Umu'i ukamir uzemumikahy haw hexak kar pà wà. Omomor ywy iku'i kwer ywate wà, uwàkàg rehe wà no.

Êxodo 30:18

Emuapu'a itazu morog nehe, amo kawawhu zepuez taw iapo pà nehe, izypy ikokaw iapo pà nehe no. Emuapyk a'e kawawhu tàpuzràn ma'ea'yr hapy haw wamyter pe nehe. Emono 'y ipupe nehe.

Jeremias 17:13

O Tupàn Tuweharupi Wiko Ma'e, ereiko teko Izaew izuapyapyr wanemiàro romo ne. Nereitykar paw wiko putar ikàg 'ym ma'e romo wà nehe. Ukàzym putar her ywyxig rehe imuapyk pyr ài wà nehe. Ta'e nereityk a'e wà xe, Tupàn Tuweharupi Wiko Ma'e, 'ytyzuzàmaw 'y ikatu ma'e imur har zàwenugar.

Lamentações de Jeremias 3:29

Zazemumew ikàg 'ym ma'e ài nehe, ta'e Tupàn upuner zanepyro haw rehe a'e nehe xe.

Números 5:16

Xaxeto weraha a'e kuzà pepa'i imen wi ma'ea'yr Tupàn Tuweharupi Wiko Ma'e pe izuka haw henataromo imupu'àm kar pà nehe.

Números 5:18

Kuzà upyta we ma'ea'yr hapy haw henataromo. Xaxeto umu'ar putar i'aw nehe. Omono putar xewar imuku'i pyrer imono pyrer ipo pupe nehe. Ma'e Tupàn pe imono pyr tewyrowyroahy haw rehe har romo a'e. Xaxeto wereko putar ywy'a 'y iro ma'e hereko har opo pupe nehe. A'e 'y werur ze'egaiw purehe.

João 8:6

Ipuruzuka wer zepe Zezuz rehe a'e wà. — Aze uze'eg zemueteahy Tupàn rehe a'e nehe, zapuner izuka kar haw rehe zane nehe, i'i uzeupeupe wà. Zezuz nuze'eg kwaw wanupe. Wapyk a'e pe ywy ikaikair pà ukwà pupe.

João 8:8

Uzeamumew wi wapyk pà ywy ikaikair pà kury.