Números 32:3 - Tupàn zeꞌeg

^3-4 — Tupàn Tuweharupi Wiko Ma'e upyro ko ywy Izaew waneko àwàm romo a'e. Heta tawhu hehe wà: Atarot, Nimon, Zazer, Niniha, Ezemon, Ereaw, Xemà, Nemo, Meon. Ikatuahy tapi'ak imuzehu kar haw romo a'e.

Números 32:3 ပူးပေါင်းရင်းမြစ်များ

Neemias 9:22

Eremur teko waiwy neremiaihu wanupe. Eremur tuwihaw waiwy wanupe no. Eremur wanuwake har waiwy wanupe no. Izaew upyro Ezemon waiwy wà. Xeom wiko Ezemon ywy rehe har wanuwihaw romo. Upyro Màxà waiwy wà. Og wiko Màxà ywy rehe har wanuwihawete romo.

Isaías 15:6

Yrykaw Niri her ma'e typaw a'e kury. Ka'api'i waneimaw wanemi'u uxinig a'e no. Ka'a uxinig no. Naheta kwaw ikyr katu ma'e wà kury.

Jeremias 48:1

Tupàn Tuweharupi Wiko Ma'e upuner wera'u ma'e Izaew wazar umume'u ko ma'e Moaw rehe har rehe. — Pepuhareko teko Nemo tawhu pe har pe wà nehe. Ta'e zauxiapekwer umumaw a'e tawhu a'e wà xe. Upyhyk Kiriataim wà no. Weityk hàpuzuhu tàtà ma'e imumew pà wà. Umuigo kar teko a'e pe har ikàg 'ym ma'e romo wà no.

Jeremias 48:2

Moaw ikàgaw ipuràgaw upaw. Ezemon tawhu pe waàmàtyry'ymar umume'u wemiapo ràm waiko wà. — Ximumaw Moaw izuapyapyr zane wà nehe, i'i uzeupeupe wà. Zauxiapekwer tetea'u wata putar oho Mazimen tawhu kutyr wà nehe. Xo ze'eg 'ymaw zo heta putar a'e pe nehe.

Jeremias 48:32

Azai'o putar teko Zazer pe har wanehe nehe. Azai'o wera'u putar teko Ximima pe har wanehe nehe. Tawhu Ximima, ereiko uwà tyw ài ne. Neràkà oho Yryhu Umàno Ma'e Kwer her ma'e i'aromo. Oho Zazer tawhu pe. Ko 'ar rehe neàmàtyry'ymar umumaw arozràn penemitygwer wà kury, uwà penemitygwer wà no.

Jeremias 48:34

Teko Ezemon tawhu pe har wà, Ereaw pe har wà no, uhapukaz wà. Te Zaxa pe har upuner wanehapukaz haw henu haw rehe wà. Zoar pe har wenu wà. Oronaim pe har wà, Ekirat pyahu pe har wà no, upuner henu haw rehe wà. Te Niri yrykaw typaw no.

Jeremias 48:45

Amogwer uzàn ukene'o pà wà. Uzeagaw zepe uzepyro pà Ezemon tawhu pupe wà nehe. Xeom wiko Ezemon pe har wanuwihawete romo amo 'ar mehe. A'e teko nuzepyro kwaw Ezemon pupe wà. Ta'e ukaz iko kury xe. Tata wapy ywyzaw. Wapy ywytyruhu apyr Moaw ywy rehe har no. Moaw uzamutar zepe puràmàtyry'ymaw wà.

Ezequiel 25:9

A'e rupi azàmàtyry'ym kar putar tawhu Moaw ywyzaw rehe har amo zauxiapekwer wanupe ihe wà nehe. Na'aw tawhu uhua'u wera'u ma'e waner xe wà: Mete-Zezimot, Ma'aw-Meom, Kiriataim.

Números 21:28

Uhem tata Ezemon wi. Uhem heny kwer tawhu tuwihawete Xeom heko haw wi. Zauxiapekwer tetea'u uzemono'og ma'e wà, nuzawy kwaw tatahu wà. Umumaw Ar tawhu Moaw ywy rehe har wà. U'u ywytyr Aronon yrykawhu ywate har izywyr har wà.

Números 21:30

Ezemon ipuner haw upaw kwez kury. Ezemon wi Nimon pe ma'e paw uzeapo imumaw pyrer romo a'e wà. Weityk Nopa tawhu wà. Tata uhem Menema tawhu pe no, i'i wà.

Números 21:32

Na'e Moizez omono kar teko Zazer tawhu pe wà. — Peme'egatu hehe nehe, i'i wanupe. A'e re Izaew upyhyk taw Zazer tawhu izywyr har wà. Umuhem kar Amohe ywy rehe har a'e pe wiko ma'e paw rupi wà.

Números 32:1

Humen izuapyapyr wà, Kaz izuapyapyr wà no, wereko tapi'ak tetea'u wà. Ume'e Zazer ywy rehe wà. Ume'e Zireaz ywy rehe wà no. — Ikatuahy a'e ywy tapi'ak imuzehu kar haw romo a'e, i'i izupe wà.

Números 32:2

A'e rupi uze'eg oho Moizez pe xaxeto Ereazar pe teko wanuwihaw pe wà kury.

Josué 13:17

Ezemon tawhu a'e, tawhu ywyapypepaw rehe har paw wà no, upyta a'e ywy rehe wà: Nimon, Mamot-Ma'aw, Mete-Ma'aw-Meom, Zaxa, Kenemot, Mepaat, Kiriataim, Ximima, Zeret-Xar ywytyr ywyàpyznaw myter pe har rehe har, Mete-Peor, Piziga ywytyr rehe zeupir haw, Mete-Zezimot.

Josué 21:39

Ezemon, Zazer. Upyhyk ka'api'i rupaw waiwyr har wà no. 4 tawhu upyhyk wà.

Juízes 11:26

Umumaw Izaew 300 kwarahy Hezemon pe Aroer pe wiko pà wà. Wiko tawhu a'e tawhu wanuwake har wapupe upaw rupi wà no, tawhu yrykaw Aronon iwyr har wapupe upaw rupi wà no. Màràzàwe tuwe napepyro kwaw a'e tawhu Izaew wanuwi wà.