Números 31:50 - Tupàn zeꞌeg

⁵⁰ Nezewe mehe urerur wanemipyhyk kwer paw wà: ma'e or iapo pyrer: kyhàhàm tàtà pixika'i ma'e azuromo har, poapyw har, kwà ku'aw har, nami por, azuromo har. Oromono Tupàn Tuweharupi Wiko Ma'e pe urereko haw hekuzaromo urezuka 'ym awer hekuzaromo ure. Nezewe mehe urepyro putar nehe, i'i izupe wà.

Números 31:50 ပူးပေါင်းရင်းမြစ်များ

Salmos 107:15

Tuwe umume'u Tupàn Tuweharupi Wiko Ma'e ipuruamutar katu haw ikatu haw izupe nehe. Tuwe umume'u hemiapo kwer ikatu haw nehe no. Uzapo a'e ma'e wanupe a'e.

Salmos 116:12

Ma'e apuner Tupàn Tuweharupi Wiko Ma'e pe imono haw rehe Ihewe hemimur kwer paw hekuzaromo ihe.

Salmos 116:17

Amono putar ma'e newe nehe, ta'e herurywete neremiapo kwer rehe ihe xe. Aze'eg putar newe nehe.

Êxodo 30:12

— Erepapar putar teko Izaew izuapyapyr ne wà nehe. Wapapar mehe, pitàitàigatu teko umur putar amo wemetarer ihewe wà nehe, wekuwe haw hekuzaromo wà nehe. Nezewe mehe nuzeapo kwaw iaiw ma'e wanupe wapapar haw iapo mehe we nehe.

Êxodo 35:22

Awa wà, kuzà wà no, aze ipurumur wer kuzà imupuràg etea'i haw rehe izupe wà, werur wà: iputàw imunehew paw, inamipor, kwàku'aw har, poapyw har, wyzài ma'e or iapo pyrer. Umur uma'e Tupàn pe wà.

Levítico 17:11

Ta'e wikuwe ma'e paw hekuwe haw upyta huwykwer pupe a'e xe. A'e rupi Tupàn uzakook kar ma'ea'yr izuka pyrer wanuwykwer paw ma'ea'yr hapy haw rehe a'e, xaxeto wanupe a'e. Nezewe mehe teko umunàn kar wemiapo kwer ikatu 'ygwer Tupàn pe wà. Ta'e tuwykwer tekuwe haw romo a'e xe. Upurupyro ikatu 'ygwer imunànaw romo a'e xe.

Números 31:49

Urupapar zauxiapekwer ureremiruze'eg ure wà. Paw rupi wiko xe wà.

Números 31:51

Moizez a'e, xaxeto Ereazar a'e no, upyhyk a'e ma'e or iapo pyrer a'e wà.