Números 31:10 - Tupàn zeꞌeg

¹⁰ Umunyk tata tawhu Minià waneko awer nànàn wà. Umunyk tata waker haw nànàn wà no. Wapy paw wà.

Números 31:10 ပူးပေါင်းရင်းမြစ်များ

Gênesis 25:16

Amume'u a'e 12 Izimaew ta'yr waner xe wà kury. Pitàitàigatu uzapo weko haw amo ywy rehe wà. Omono uwer uiwy pe pitàitàigatu wà no. Pitàitàigatu wiko uzuapyapyr wanuwihawete romo wà no.

1 Reis 9:16

A'e 'ym mehe Parao Ezit ywy rehe har wanuwihawete uzàmàtyry'ym Zezer tawhu pe har oho wà. Uzuka a'e tawhu pe har Kànàà izuapyapyr wà. Umunyk tata tawhu rehe. A'e re Parao omono tawhu Zezer her ma'e wazyr pe izereko mehe har romo, Xàrumàw imen romo hereko mehe a'e.

Isaías 1:7

Peywy iaiw. Tata umumaw tawhu peneko haw wà. Penenataromo amo ywy rehe har umuaiw peywy wà. Naheta kwaw ikatu ma'e a'e ywy rehe kury. Amo ywy rehe har umumaw peywy wà.

Números 31:11

Upyhyk ma'e Minià wanuwi ipyro pyrer wà. Omono'og teko wemipyhyk kwer wà no. Omono'og ma'ea'yr wemipyhyk kwer wà no.

Números 31:9

Izaew weraha kuzà uzeupi wemipyhyk kwer romo wà. Weraha kwarerarer wà no, kuzàtàigwer wà no. Upyhyk waneimaw kwer wà no: àràpuhàràn hawitu ma'e wà, àràpuhàrànete wà, tapi'ak wà. Weraha wama'e kwer paw wà no.

Josué 6:24

A'e re umunyk zauxiapekwer tata oho tawhu rehe wà, hapy pà paw rupi wà, ma'e a'e pe har hapy pà paw rupi wà. Ita hekuzar katu ma'e omono temetarer hyru Tupàn hàpuzràn pupe har pupe wà: parat, or, ma'e itazu iapo pyrer, ma'e ita per her ma'e iapo pyrer no.

Apocalipse 18:8

A'e rupi amo 'ar mehe ma'erahy u'ar putar tàrityka'i hehe a'e nehe. Ma'eahy haw uhem putar izupe nehe no. Uzemumikahy putar nehe no. Ima'uhez putar nehe no. Tupàn umunyk putar tata hehe nehe, ta'e Tupàn Zanezar a'e xe, a'e kuzà hemiapo kwer ikwaw par a'e xe, ikàg wera'u teko paw wanuwi a'e xe, i'i ihewe.

1 Samuel 30:1

Mokoz 'ar pawire Tawi uhem weko haw pe Zikirak pe wemiruze'eg wanupi kury. Amo me hereko mehe we Amarek ywy rehe har wixe Zuta ywy rehe kwarahy hemaw awyze har kutyr har rupi wà, Zikirak ipyro pà wà. Wapy a'e tawhu tata pupe wà. Ukaz paw.