Números 3:6 - Tupàn zeꞌeg

⁶ Enoz Erewi izuapyapyr wamuwà ne wà nehe. Epytywà kar Àràw wanupe Tupàn imuwete haw iapo mehe ne wà nehe.

Números 3:6 ပူးပေါင်းရင်းမြစ်များ

1 Crônicas 15:2

Na'e uze'eg nezewe kury. — Xo Erewi izuapyapyr zo upuner Tupàn Ze'eg Hyru heraha haw rehe wà, ta'e izypy mehe Tupàn wexaexak a'e wà xe, heraha àràm romo a'e wà xe. — Peiko putar herenataromo uma'ereko ma'e romo tuweharupi nehe, i'i wanupe.

1 Crônicas 23:28

A'e rupi tuwihaw umuma'ereko kar a'e Erewi izuapyapyr tàpuzuhu pupe a'e wà. Upytywà kar Àràw izuapyapyr a'e wà, Erewi izuapyapyr wanupe wà. — Pezekaiw Tupàn imuwete haw rehe hàpuzuhu pupe har rehe nehe. Pezekaiw katu pe nehe no. Pezekaiw ipupyaikaw pyrer rehe nehe no. Pemukatu ma'e Tupàn pe imonokatu pyrer paw rupi nehe no.

1 Crônicas 23:32

— Pezekaiw katu Tupàn henaw hàpuzràn rehe nehe. Pepytywà peànàm pe wà nehe. Pepytywà xaxeto Àràw izuapyapyr pe wà nehe, Tupàn imuwete haw rehe tàpuzuhu pupe pe wà nehe.

1 Crônicas 6:33

Na'aw waner xe wà: Koat iànàm wainuromo har wà: Emà uzegar ma'e ipy wanuwihaw wiko Zoew ta'yr romo a'e. Zoew wiko Xamuew ta'yr romo a'e.

2 Crônicas 29:11

Pepytu'u zo pema'ereko katu re nehe, hera'yr wà. Ta'e Tupàn Tuweharupi Wiko Ma'e penexanexak tàpuzuhu pupe uma'ereko ma'e romo a'e xe. Pepytywà putar teko Tupàn imuwete haw iapo mehe pe wà nehe, yhyk zàwenugar hapy mehe henataromo pe wà nehe.

Esdras 6:18

Umume'u wama'ereko haw 'ar xaxeto wanupe pitàitàigatu wà, Erewi izuapyapyr wanupe pitàitàigatu wà no. — Pema'ereko putar a'e 'ar rehe Tupàn Hàpuzuhu Zeruzarez pe har pe nehe, i'i wanupe wà. Uzapo a'e ma'e paw Moizez ze'eg pape rehe imuapyk pyrer rupi katete wà.

Malaquias 2:4

Azapo kar a'e ma'e iteko ihe kury. A'e rupi napezuhaw kwaw heze'egaw xaxeto Erewi izuapyapyr wanehe we heremiapo katu kwer nehe. Ko ze'eg henu mehe pekwaw putar heremimutar nehe. Naputar kwaw a'e ze'eg kwehe arer ihaw paw ihe. Ihe Tupàn Ikàg Wera'u Ma'e aze'eg iteko ihe.

Números 18:21

Tupàn Tuweharupi Wiko Ma'e uze'eg kury. — Teko Izaew izuapyapyr umur putar pitài uma'e 10 uma'e wi imunyryk pyrer tuweharupi wà nehe. Erezekaiw putar tàpuzràn ihewe imonokatu pyrer rehe nehe. Amono putar a'e wanemimur kwer newe hehe nezekaiw haw hekuzaromo nehe.

Números 2:17

Erewi izuapyapyr wata putar mokoz zauxiapekwer wamono'ogaw amogwer wanenataromo wata ma'e wanehe we wà nehe no. Weraha putar tàpuzràn Tupàn pe imonokatu pyrer wà nehe. Imono'og pyrer uzapo putar uker haw uzeakeake wà nehe. Wata putar uzeakeake nezewegatete wà nehe no. Pitàitàigatu upyta putar wenaw rehe upyta haw rehe wà nehe, pànuhu ter hereko har huwake wà nehe.

Números 2:33

Moizez nupapar kwaw Erewi izuapyapyr amogwer Izaew izuapyapyr wainuinuromo wà, ta'e Tupàn Tuweharupi Wiko Ma'e nupapar kar kwaw izupe wà xe.

Números 3:5

Tupàn Tuweharupi Wiko Ma'e uze'eg Moizez pe.

Deuteronômio 10:8

A'e 'ar mehe Tupàn Tuweharupi Wiko Ma'e wexaexak Erewi izuapyapyr wà. — Awa Erewi izuapyapyr weraha putar heze'eg hyru wà nehe. Wiko putar xaxeto romo herenataromo wà nehe no. Omono putar heze'egatu teko wanehe herekuzaromo a'e wà nehe no. Te ko 'ar rehe uzapo a'e ma'e oho waiko wà.