Números 24:22 - Tupàn zeꞌeg

²² Nezewe rehe we Axir pemumaw putar wà nehe. Peneraha putar wemipyhyk kwer romo wanupe uma'ereko e ma'e romo a'e wà nehe.

Números 24:22 ပူးပေါင်းရင်းမြစ်များ

Gênesis 10:11

Na'e Nihoz uhem oho a'e ywy wi kury, Axir ywy rehe oho pà kury. Uzapo kar 4 tawhu a'e ywy rehe: Nin, Heomot-Ir, Kara tawhu uhua'u ma'e, Hezem.

Gênesis 10:21

Xem a'e, Zape tyky'yr a'e, teko Emerew her ma'e paw wanu romo hekon a'e.

Gênesis 10:22

Na'aw Xem ta'yr waner xe a'e wà kury: Eràw, Axur, Arapaxaz, Iruz, Àrà.

Gênesis 15:19

Nezuapyapyr upyhyk putar ywy amo teko waneko haw wà nehe: Kene izuapyapyr wà, Keneze izuapyapyr wà, Kazimone izuapyapyr wà.

Esdras 4:2

Na'e uze'eg oho Zurupapew pe wà, teko uzeànàànàm ma'e wanuwihaw wanupe wà no. — Urepurapo wer tàpuzuhu rehe penehe we ure no. Urumuwete katu Tupàn pezàwegatete ure. Ezar-Anom Axir wanuwihawete a'e, uremuigo kar xe a'e. A'e 'ar mehe arer we uruzuka ma'ea'yr Tupàn henataromo ure, i'i mua'u wanupe wà.

Salmos 83:8

Teko Axir her ma'e uzemono'og Iro izuapyapyr wapyr wà. Ikàg uzeinuiromo Amon izuapyapyr wanehe we wà, Moaw wanehe we wà no.

Oséias 14:3

Axir nupuner kwaw urepyro haw rehe wà. Zauxiapekwer kawaru ku'az har nupuner kwaw urerehe uzekaiw katu haw rehe wà. — Peiko urezar romo, nuru'e pixik kwaw tupàn a'ua'u ureremiapo kwer wanupe nehe. Ne Tupàn urepuhareko katu pe ne. Xo ne zo erezekaiw katu putar ma'e hereko 'ymar wanehe ne, peze izupe nehe.

Números 24:23

Màrààw umume'u ko ze'eg uzeapo ma'e ràm imume'u har no. Amo teko uzemono'og kwarahy heixe haw awyze har kutyr wà. Mon aipo wà.