Números 23:24 - Tupàn zeꞌeg

²⁴ Izaew upu'àm zàwàruhu iriàw kuzà ài wà. Ikàg zàwàruhu iriàw awa ài wà. Wemiar i'u re zo upytu'u putar nehe. Wemipyhyk wanuwykwer i'u re zo upytu'u putar nehe, i'i wà.

Números 23:24 ပူးပေါင်းရင်းမြစ်များ

Gênesis 49:27

Mezàmi nuzawy kwaw awarahu hehaite ma'e a'e. Ku'em mehe u'u wemizuka kwer. Karuk mehe umuza'aza'ak wemipyhyk kwer, i'i Zako wa'yr wanupe.

Gênesis 49:9

Hera'yr Zuta a'e, nuzawy kwaw zàwàruhua'yr miar izuka mehe har a'e. Uzeamumew u'aw pà zàwàruhu awa ài, zàwàruhu kuzà ài. Aipo amo nukyze kwaw izuwi wà nehe, aipo amo uputupyk putar oho wà nehe.

2 Crônicas 9:18

Heta 6 pyrogaw henawhu henataromo. Heta py imupytu'u haw or pupe iàpeàrog pyrer a'e pe no, henawhu huwake no. Heta mokoz zywa ikokaw hehe. Pitàitàigatu izywa ikokaw huwake heta pitài zàwàruhuriàw hagapaw no.

Salmos 17:12

Nuzawy kwaw zàwàruhu iriàw uzeàmim ma'e kwer wà. Heràro waiko wà. Uzemuàgà'ym hepei'ài'àg àwàm rehe wà.

Provérbios 30:30

Zàwàruhu wà. Ikàg wera'u amo miar wanuwi a'e wà. Nukyze kwaw ma'e wi wà.

Isaías 31:4

Tupàn Tuweharupi Wiko Ma'e uze'eg nezewe ihewe. — Zàwàruhu iriàw àràpuhàràn hawitu ma'e ipyhykar a'e, izuka har a'e, nukyze kwaw àràpuhàràn wamono'ogar wanur mehe a'e, wanehapukaz mehe a'e. Aze heta tetea'u wà, aze heiheihemahy wà, nezewe rehe we nuzàn kwaw zàwàruhu a'e awa wanuwi wà. Nezewegatete ihe, Tupàn Tuweharupi Wiko Ma'e Ikàg Wera'u Ma'e ihe no. Nakyze kwaw Xiàw ywytyr rehe heàmàtyry'ymar wakutyr hewezyw mehe nehe no.

Daniel 2:44

A'e tuwihawete waneko mehe Tupàn ywak rehe har umuzexak kar putar amo pureruze'egaw a'e nehe. Ni amo numumaw pixik kwaw a'e pureruze'egaw a'e wà nehe. Ni amo tuwihawete nuiko kwaw a'e pureruze'egaw izar romo wà nehe. A'e pureruze'egaw umumaw putar amogwer pureruze'egaw paw rupi wà nehe. Nupaw pixik kwaw nehe.

Amós 3:8

Aze zàwàruhu iriàw okororo, mo nukyze kwaw wà. Aze pezar Tupàn Tuweharupi Wiko Ma'e uze'eg, mo numume'u kwaw ize'eg awer teko wanupe.

Naum 2:11

Ma'e uzeapo tawhu pe. Kwehe mehe nuzawy kwaw zàwàruhu iriàw wamono'ogaw. Zàwàruhu iriàw weraha wemizuka kwer a'e pe wànàm wanupe wà. Wiko a'e pe wa'yr wanehe we ma'e wi ukyze 'ym pà wà. Ni amo a'e pe har numukuhem kwaw wà. Ikatu waneko haw.

Naum 2:12

Zàwàruhu iriàw awa uzuka amo miar a'e. Na'e omono ho'o kwer pehegwer zàwàruhu iriàw kuzà pe, imemyr wanupe no. Waneko haw itakwar tynehem miar umàno ma'e kwer pupe.

Zacarias 12:6

A'e 'ar mehe amuigo kar putar a'e Zuta ywy rehe har uzeànàànàm ma'e tàtàpuzgwer huwawe zepe'aw imono'og pyrer rehe har zàwenugar romo ihe wà nehe. Nuzawy kwaw tapuru 'yw hapy pyr arozràn iàpixipixi pyrer myter pe har wà nehe. Tata umumaw putar a'e arozràn upaw rupi. Nezewegatete umumaw putar ywy nànànar Zeruzarez izywyr har a'e wà nehe. Teko Zeruzarez pe har wiko putar katu haw rehe wà nehe.

Números 23:25

Na'e Marak uze'eg Màrààw pe. — Aze nerepuner kwaw ze'egaiw imono haw rehe Izaew wanehe nehe, emono zo ze'egatu wanehe nehe, i'i izupe.

Números 24:17

Ame'e uzeapo ma'e ràm rehe. Aexak teko Izaew izuapyapyr wà. Wanuwihawete zahytata uhyape katu ma'e uzexak kar putar wanupe nehe. Ur putar Izaew wanuwi zahytata uwewe ma'e ài. Weityk putar Moaw wanuwihaw wà nehe. Umumaw putar 'aw teko wiko wera'u ma'e wà nehe.

Deuteronômio 33:20

Umume'u ko ma'e Kaz wanehe. Ikatuahy Tupàn a'e, ta'e umuhua'u Kaz ywy a'e xe. Teko Kaz izuapyapyr wàro ma'e zàwàruhu iriàw ài wà. Ozo'ok wàmàtyry'ymar izywa. Ozo'ok iàkàg wà no.

Apocalipse 5:5

Na'e amo tuwihaw i'i ihewe a'e kury. — Ezai'o zo ty, i'i ihewe. — Eme'e nehe ty. Zawaruhu zàwenugar a'e, Zuta hemimino a'e, Tuwihaw Tawi hemimino a'e no, ikàg wera'u amogwer wanuwi paw rupi katete a'e. A'e rupi upuner a'e pape hewàpytymawokaw rehe a'e nehe, upuner imugeta haw rehe a'e nehe, i'i a'e tuwihaw ihewe.