Números 11:26 - Tupàn zeꞌeg

²⁶ Amo mokoz a'e 70 wanehe we har tuwihaw upyta teko waker haw pe wà. Noho kwaw tàpuzràn Tupàn pe imonokatu pyrer pe wà. Ewnaz awa ipy her romo. Menaz inugwer her romo. Tupàn Hekwe ur wanehe. Uzypyrog uze'eg pà Tupàn ze'eg imume'u har zàwe wà.

Números 11:26 ပူးပေါင်းရင်းမြစ်များ

2 Crônicas 15:1

Tupàn Hekwe wezyw oho Azari Onez ta'yr rehe a'e kury.

Neemias 9:30

Kwarahy nànàn ereze'eg wanupe. Iàrew nekwahy haw. Eremur kar nerekwe neze'eg imume'u har wanupe. Neze'eg imume'u har umume'u wanemiapo kwer ikatu 'ym ma'e wanupe. Nezewe rehe we neremiaihu wà, wiko ma'e henu 'ymar romo wà. A'e rupi eremuigo kar teko amo ae ywy rehe har ne wà, neremiaihu wazar romo ne wà.

Êxodo 3:11

Uze'eg Moizez Tupàn pe kury. — Mo romo aiko ihe. Naiko kwaw ikàg ma'e romo ihe. Màràzàwe tuwe hemono kar pe tuwihawete pe ne, Izaew wapyro pà Ezit ywy wi ne, i'i izupe, hehe upuranu pà.

Jeremias 1:6

Na'e aze'eg izupe kury. — Tupàn Tuweharupi Wiko Ma'e hezar. Nakwaw kwaw heze'egatu haw ihe. Ta'e kwàkwàmo ipyahu ma'e romo aiko ihe xe, a'e izupe.

Jeremias 36:5

Na'e azapo kar ko ma'e izupe kury. — Tuwihaw nahemuixe kar kwaw Tupàn Hàpuzuhu pupe a'e wà.

Números 11:27

Na'e amo kwàkwàmo uzàn oho Moizez pe. — Ewnaz a'e, Menaz a'e no, uze'eg waiko Tupàn ze'eg imume'u har zàwe teko waker haw myter pe wà.

Números 24:2

Wexak teko Izaew a'e pe wà. Izaew ta'yr wazuapyapyr uzemono'og uzehezehe uker haw iapo pà pitàitàigatu a'e pe wà. Tupàn Hekwe umuze'eg kar Màrààw kury.

1 Samuel 10:22

Na'e upuranu wi Tupàn Tuweharupi Wiko Ma'e rehe wà. — Aipo a'e awa wiko xe a'e, i'i izupe wà. — He'e, i'i Tupàn. — Uzeàmim ma'eryru myter pe a'e, i'i.

1 Samuel 10:6

A'e 'ar mehe we Tupàn Tuweharupi Wiko Ma'e rekwe wiko putar nezar romo a'e nehe. Ereiko putar Tupàn ze'eg imume'u har romo wainuromo nehe. Amo ae ma'e romo ereiko putar a'e 'ar mehe nehe.

1 Samuel 20:26

A'e 'ar mehe Xau nuze'eg kwaw Tawi heko 'ymaw rehe a'e pe har wanupe. — Aze ru'u uzeapo amo ma'e izupe. A'e rupi nupuner kwaw uzemukatu haw rehe Tupàn henataromo. A'e rupi nur kwaw mai'u haw pe, i'i uzeupe.