Números 10:2 - Tupàn zeꞌeg

² — Enupànupà parat mokoz xi'àm ma'ea'yr i'a kwer iapo pyrer zàwenugar iapo pà nehe. Aze neporomono'og wer teko wanehe nehe, ezupy kar a'e xi'àm nehe. Aze nepureraha wer teko waker haw wi ne wà nehe, ezupy kar a'e xi'àm nehe.

Números 10:2 ပူးပေါင်းရင်းမြစ်များ

2 Reis 12:13

A'e 'ar rehe numuapu'a kwaw a'e temetarer ma'e iapo pà wà. Ni kawaw, ni kawawpew, ni xi'àm, ni zepinaw tatainy ihàm imonohokaw. Nuzapo kwaw ma'e parat iapo pyrer ni or iapo pyrer a'e 'ar rehe wà.

2 Crônicas 5:12

Erewi izuapyapyr zegar haw kwaw par paw upu'àm oho ma'ea'yr hapy haw huwake kwarahy heixe haw kutyr a'e wà. Azap, Emà, Zenutum, waànàm wà. Umunehew kamirpuku irin iapo pyrer wà. Wereko zegar haw imuzàgaw rehe har opo pe wà: kawaw zàwenugar imupu pyr, wioràwiràn, wioràwiràn zàwenugar. 120 xaxeto xi'àm ma'e'a kwer ipy haw kwaw par upu'àm wanuwake wà no.

Salmos 81:3

Pezupy ma'e'ak kwer xi'àm romo iapo pyrer mynykaw pe teko wamono'og pà nehe. Zahy ipyahu mehe pezupy nehe. Zahy huahu mehe pezupy nehe no.

Salmos 89:15

Hurywete teko zegar haw pupe nemuwete katu har wà. Hurywete nepyr wiko ma'e wà. Nuzuawy kwaw tatainy rehe wiko ma'e wà.

Êxodo 25:18

Ezapo mokoz hereko haw pe har kerumin her ma'e wanagaw paw ne wà nehe, or imuapu'apu'a pà nehe. Emupu'àm a'e kerumin wanagapaw a'e ma'eryru ipykaw rehe ne wà nehe, ipuku haw iapyr ne wà nehe.

Êxodo 25:31

Emuapu'a or tatainy henaw iapo pà nehe. Enupànupà or ipy iapo pà nehe. Enupànupà or i'yw iapo pà nehe no. Ezapo ma'eputyr hagapaw nehe: iputyr hagapaw nehe, iputyr rupi'a hagapaw nehe no. Ezomogatu a'e ma'eputyr hagapaw tatainy henaw rehe pitài ma'e romo iapo pà nehe.

Isaías 1:13

Aze perur ma'e ihewe nehe, napurumuawyze kwaw ihe nehe. Yhyk hyàkwegatu ma'e herenataromo penemiapy a'e, iro ihewe a'e. Pepynykawhu zahy pyahu mehe har iroahy ihewe wà. Mynykaw mytu'u haw 'ar mehe har iro ihewe wà. Amogwer mynykaw iro ihewe wà no, ta'e penemiapo kwer ikatu 'ym ma'e umumaw a'e ma'e herenataromo har iapo pyr upaw rupi a'e xe. Amogwer 'ar rehe nahemuwete kwaw pe.

Jeremias 4:5

Pezupy xi'àm ma'e'ak kwer iapo pyrer ywy nànàn nehe. Pehapukazahy peze'eg imume'u katu pà nehe. Pemume'u ko ze'eg teko Zuta ywy rehe har wanupe nehe, Zeruzarez tawhu pe har wanupe nehe no. — Pezàwehem tawhu pàrirogawtàtà ma'e pupe pezepyro pà nehe.

Oséias 8:1

Uze'eg wi Tupàn Tuweharupi Wiko Ma'e. — Pezupy pexi'àm nehe. Heàmàtyry'ymar ur heywy rehe wiràhu miar rehe wezyw ma'e ài a'e. Ta'e heremiaihu uhaw heze'egaw heremiapo katu kwer a'e wà xe. Ta'e nuweruzar kwaw heze'eg waiko wà xe.

Joel 1:14

Pemono'og teko Tupàn Hàpuzuhu pe pe wà nehe. — Ximumaw amo 'ar zanemai'u 'ym pà nehe, zanekwaku pà nehe, peze wanupe nehe. Pemono'og teko Zuta ywy rehe har paw wanuwihaw pe wà nehe, Tupàn Tuweharupi Wiko Ma'e Zanezar hàpuzuhu pe pe wà nehe. Peze'eg Tupàn pe nehe, pepytywà àwàm henoz pà nehe.

Joel 2:1

Pezupy pexi'àm ywytyr Xiàw her ma'e rehe nehe. Pehapukaz ywytyr Tupàn henaw rehe nehe. — Na'ikatuahy kwaw zanewe kury, peze nehe. Peryryryryz pekyze pà nehe, Zuta ywy rehe har wà. Ta'e uhem Tupàn Tuweharupi Wiko Ma'e 'ar wà iko a'e xe.

Números 10:1

Tupàn Tuweharupi Wiko Ma'e umume'u ko uze'eg Moizez pe.

Números 10:7

Aze neporomono'og wer teko wanehe nehe, ezupy kar àrewa'u nehe.

Efésios 4:5

Pitài zo Zanezar. Pitài rehe zo zazeruzar. Zazemuzahazahak kar, a'e rupi Tupàn Zanezar romo heko haw xixak kar purupe. Pitài zo a'e.