Neemias 9:28 - Tupàn zeꞌeg

²⁸ Zeàmàtyry'ym 'ymaw izewyr mehe neremiaihu uzapo wi ikatu 'ym ma'e wà. Ereityk kar wi waàmàtyry'ymar wanupe ne wà. Uzemumik wi wemiapo kwer ikatu 'ym ma'e rehe wà. — Urepyro pe nehe, i'i wi newe wà. Waze'eg mehe erenu ne wà. Ereinu wiwi tuweharupi ne wà. Erepyro ne wà, ta'e erepuhareko katu ne wà xe.

Neemias 9:28 ပူးပေါင်းရင်းမြစ်များ

1 Reis 8:39

einu katu waneminoz ràm nehe. Einu katu neremiaihu waze'eg ywak rehe nereko mehe nehe. Epytywà ne wà nehe. Xo ne zo erekwaw teko wama'enukwaw paw uzeàmim ma'e wapy'a pe har ne. Emekuzar teko wanemiapo kwer pitàitàigatu ne wà nehe.

Salmos 106:42

Waàmàtyry'ymar upuraraw kar ma'erahy wanupe wà. Uzapo Izaew a'e teko wanemiapo putar haw tuweharupi wà kury.

Salmos 136:24

Zanepyro zaneàmàtyry'ymar wanuwi. Ipuruamutar katu haw nupaw pixik kwaw nehe.

Isaías 63:15

O Tupàn, eme'e urerehe ywak wi nehe, nereko haw ikatu ma'e ipuràg eteahy ma'e wi nehe. Ma'e pe eremono nepuner haw. Màràzàwe tuwe nerezekaiw kwaw urerehe kury. Ezo'ok zo ureamutar katu haw urewi nehe. Emunyryk zo urepuhareko katu haw urewi nehe,

Juízes 2:19

Wyzài tuwihaw imàno re teko uzewyr wemiapo kwer pe wà. Wanemiapo kwer pitàitàigatu iaiw wera'u wanu wanemiapo kwer wanuwi. Umuwete katu wi wi tupàn a'ua'u oho waiko wà, ikatu 'ym ma'e iapo pà wanenataromo wà. — Nazapytu'u kwaw a'e ma'e iapo re nehe, i'i uzeupeupe wà.

Juízes 3:30

A'e 'ar mehe Izaew uzeapo Moaw wazar romo wà kury. Umumaw 80 kwarahy amo teko waàmàtyry'ym 'ym pà wà.

Juízes 4:1

Eu imàno re uzapo wi Izaew iaiw ma'e Tupàn henataromo wà.

Juízes 5:31

Ne Tupàn Tuweharupi Wiko Ma'e ne. Neàmàtyry'ymar umàno nezewe wà. Neamutar har nemyrypar a'e wà, uhyape katu kwarahy heny kwer ihem mehe har ài a'e wà. A'e re upaw zeàmàtyry'ymaw kury. Umumaw 40 kwarahy katu haw rupi zeàmàtyry'ym 'ym pà wà.