Neemias 9:12 - Tupàn zeꞌeg

¹² Eremono kar amo ywàkun wanenataromo 'aromo ne, waho àwàm hexak kar pà wanupe ne. Pyhaw eremono kar tata iaiha ma'e wanenataromo no. Uhyape waho àwàm hexak kar pà wanupe.

Neemias 9:12 ပူးပေါင်းရင်းမြစ်များ

Neemias 9:19

Nezewe rehe we nereityk kwaw ywyxiguhu heta haw pe ne wà. Ta'e nepurupuhareko haw uhua'u xe. Neremunyryk kwaw ywàkun wanuwi. Neremunyryk kwaw tata iaiha ma'e wanuwi no. A'e ma'e wexak kar waho àwàm wanupe 'aromo, pyhaw no.

Salmos 105:39

Tupàn umupu'àm amo ywàkun wemiaihu wa'aromo. Pyhaw tata upu'àm ma'e wexak kar waho àwàm wanupe no.

Salmos 107:7

Weruata pe ikatu ma'e rupi wà. Weraha tawhu ikatu ma'e pe wà, waneko àwàm me wà.

Salmos 143:8

Azeruzar nerehe. Emume'u nepuruamutar katu haw ihewe tuweharupi nehe. Heze'eg uzeupir newe. Exak kar herape ràm ihewe nehe.

Salmos 78:14

'Aromo wexak kar wanape ràm wanupe ywàkun pupe wiko pà. Pyhaw wexak kar weko haw tata heny kwer pupe no.

Êxodo 15:13

Erezamutar katu neremiaihu ne wà. A'e rupi ereruze'eg putar neremipyro kwer ne wà nehe. Nekàgaw rupi ereraha putar a'e teko nereko haw ikatuahy ma'e pe ne wà nehe.

Ezequiel 20:6

— Apupyro putar Ezit ywy wi ihe nehe. Apueraha putar amo ywy rehe nehe. Aexaexak a'e ywy peneko àwàm romo. Ikatuahy a'e. Hezuz katu ma'e a'e pe. Ikatu wera'u amo ywy wanuwi, a'e wanupe.

Números 9:16

Tuweharupi uzexak kar nezewe: 'aromo amo ywàkun upyk tàpuzràn. Pyhaw nuzawy kwaw tata.

Números 9:21

Amo upytu'u awer rehe Uzypyrog upytu'u pà karuk mehe. Iku'egwer pe uzeupir wi. Izeupir mehe uzypyrog wata pà wà. Tuweharupi aze ywàkun uzeupir, 'aromo, aze ru'u pyhaw, Izaew uzypyrog wata pà wà.

Deuteronômio 1:33

Tuweharupi oho penenataromo tata upu'àm ma'e pupe pyhaw, ywàkun pupe 'aromo no. Uzapo nezewe haw tuweharupi peker àwàm peme hexak kar pà, penape ràm peme hexak kar pà no.