Neemias 5:15 - Tupàn zeꞌeg

¹⁵ Amo awa wiko tuwihaw romo tuwihaw romo hereko 'ym mehe wà. A'e tuwihaw ipuhuz katu teko wanupe wà. — Pemur parat pitài kir ru'u ihewe nehe, i'i wanupe wà. Ume'eg kar temi'u a'e temetarer pupe wà. Ume'eg kar win ipupe wà no. Te tuwihaw wanupe uma'ereko ma'e imunar teko wanehe wà. Ihe naiko kwaw wazàwe ihe. Ta'e akyze Tupàn wi ihe xe.

Neemias 5:15 ပူးပေါင်းရင်းမြစ်များ

Gênesis 20:11

Uze'eg Àmàrààw izupe kury. — Aze ru'u ko ywy rehe har numuwete kwaw Tupàn a'e wà, a'e hezeupe ihe. — Aze ru'u hezuka putar wà nehe, heremireko ipyhyk pà wà nehe, a'e hezeupe.

Gênesis 42:18

Na'iruz haw 'ar mehe Zuze uze'eg wanupe. — Ihe aiko Tupàn wi ukyze ma'e romo ihe, imuwete katu har romo ihe. Napuzuka kar kwaw ihe nehe, aze pezapo amo ma'e heremimume'u ràm nehe.

Neemias 5:16

Ama'ereko hekàgaw rupi paw rupi ihe, ipàrirogawtàtà iaiha ma'e iapo wi pà ihe. Name'eg kar kwaw ni pitài ywy hezeupe. Ihewe uma'ereko ma'e paw hepytywà iapo wi haw rehe wà no.

Neemias 5:9

Na'e aze'eg wi wanupe kury. — Penemiapo na'ikatu kwaw. Aze mo pekyze Tupàn wi ikatu ma'e iapo pà, ikatu mo. Nan. Pezapo ikatu 'ym ma'e. A'e rupi zaneàmàtyry'ymar uze'eg urywahyahy zanerehe wà.

Jó 31:23

Nazapo pixik kwaw agwer ma'e ihe. Ta'e akyzeahy Tupàn izepyk àwàm wi ihe xe. Aze mo azapo agwer ma'e, Napuner iwer mo henataromo heho àwàm rehe nehe.

Salmos 112:1

Azeharomoete. Pemume'u Tupàn Tuweharupi Wiko Ma'e ikatu haw nehe. Hurywete Tupàn wi ukyze ma'e wà. Aze Tupàn ze'eg heruzar haw ikatu amo teko wanupe, hurywete a'e teko wà.

Salmos 147:11

Izuwi ukyze ma'e a'e wà, a'e ae umurywete kar a'e wà. Ipuruamutar katu haw rehe uzeruzar ma'e a'e wà, a'e ae umurywete kar a'e wà.

Provérbios 16:6

Tupàn umunàn ikatu ma'e uzeruzar katu ma'e wanemiapo kwer a'e. Tupàn Tuweharupi Wiko Ma'e wi ukyze ma'e uhem putar ikatu 'ymaw wi wà nehe.

Provérbios 29:12

Aze tuwihaw uzekaiw temu'emaw rehe, ipytywà har paw uzeapo ikatu 'ym ma'e romo wà.

Isaías 50:10

Pezeapyaka katu nehe, pe Tupàn Tuweharupi Wiko Ma'e wi ukyze ma'e wà. Pezeapyaka hemiruze'eg ize'eg rehe nehe. Aze pe peho àwàm ipytun nehe, Aze naheta pixik kwaw tatainy hupi nehe, pezeruzar Tupàn Tuweharupi Wiko Ma'e rehe nehe. Peiko izar rehe uzeruzar ma'e romo nehe.

Jeremias 32:9

A'e rupi ame'eg kar Anamew iziwy izuwi. Aexak heremetarer ipuhuz haw. Heta 200 kàràm parat.

Lamentações de Jeremias 5:8

Amo pe uma'ereko e ma'e wiko ureruwihaw romo wà. Naheta kwaw wapo wi urepyro àràm wà.

Mateus 5:47

Aze peze'egatu xo pemyrypar wanupe nehe, peiko amogwer wazàwe Tupàn huwa rupi nehe. Te Tupàn imuwete katu 'ymar nezewe uzapo uzeupe a'e wà. Uze'eg xo umyrypar wanupe wà.

2 Coríntios 11:9

Pepyr hereko mehe nuhyk kwaw temetarer ihewe. Nainoz kwaw temetarer peme ihe. Herywyr Maxeton ywy rehe har a'e wà, hererur har a'e wà, umur temetarer ihewe a'e wà. Nezewe aiko putar nehe no. Nainoz pixik kwaw ma'e peme ihe nehe.

2 Coríntios 12:13

Azapo agwer ma'e amo uzeruzar ma'e wapyr hereko mehe ihe no. Ta'e azapo Tupàn hemiapo putar haw uzeruzar ma'e paw wanuwa rupi ihe xe. Zuawygatu ihewe paw rupi wà. Xo pitài ma'e nazapo kwaw peme ihe. Nainoz kwaw temetarer peme. Aipo na'ikatu kwaw nezewe mehe peme. Aze mo ainoz temetarer peme, aze ru'u hekatu mo peme.

1 Samuel 8:15

Aze heta 10 arozràn hyru por newe nehe, tuwihawete upyhyk putar pitài hyru por pewi nehe. Aze heta 10 uwà hyru por peme nehe, upyhyk putar pitài hyru por pewi nehe. Omono putar a'e temi'u uzehe we har wanupe nehe. Omono putar amogwer weko haw pe har uma'ereko ma'e wanupe nehe no.