Naum 3:3 - Tupàn zeꞌeg

³ Kawaru ku'az har uzàmàtyry'ym wà wà. Uzuka wàmàtyry'ymar takihepuku heny katu ma'e pupe wà, purukutukawhu heny katu ma'e pupe wà no. Heta umàno ma'e kwer pe nànàn wà, tàpuz nànàn wà no. Heta tetea'u umàno ma'e kwer wanetekwer wà. Zauxiapekwer uzepyapi wanetekwer wanehe wà.

Naum 3:3 ပူးပေါင်းရင်းမြစ်များ

Gênesis 3:24

Tupàn umuhem kar awa imono a'e ma'etymaw wi a'e. Omono kar amo weko haw pe har kerumin her ma'e a'e pe wà, ma'etymaw tupaw pe wà, kwarahy ihemaw kutyr wà. Umupu'àm takihepuku tata zàwenugar a'e pe no. A'e takihe tata zàwenugar oho ko rupi, uzewyr kwe rupi no, oho ko rupi no, uzewyr kwe rupi no. Tupàn uzapo nezewe haw a'e. Nezewe mehe zo teko noho kwaw a'e ma'e'yw purumuigo kar ma'e huwake a'e wà xe.

2 Reis 19:35

A'e 'ar mehe we pyhaw Tupàn reko haw pe har oho Axir waker haw pe kury. Uzuka 185 miw zauxiapekwer a'e pe wà. Iku'egwer pe wikuwe ma'e wexak umàno ma'e kwer wanetekwer tetea'u a'e pe wà.

Isaías 34:3

Umàno ma'e kwer upyta putar u'ar awer pe wà nehe. Inem wà. Wanemahy haw uhàuhàz putar taw nàn nehe. Wanuwykwer uwyryk putar ywytyruhu wanuwi nehe.

Isaías 37:36

Na'e Tupàn Tuweharupi Wiko Ma'e heko haw pe har oho zauxiapekwer Axir waker haw pe a'e kury. Uzuka 185.000 zauxiapekwer a'e pe wà. Iku'em mehe umàno 'ym ma'e kwer wexak umàno ma'e kwer wanetekwer wà.

Isaías 66:16

Tupàn Tuweharupi Wiko Ma'e uzepyk putar ywy nànàn tata pupe nehe, takihepuku pupe nehe no. Uzuka putar teko ywy rehe har tetea'u a'e wà nehe no.

Ezequiel 39:4

Kok a'e nehe, hemiruze'eg zauxiapekwer a'e wà nehe no, imyrypar amo ywy rehe har a'e wà nehe no, umàno putar ywytyruhu Izaew rehe har wanehe wà nehe. A'u kar putar wanetekwer wiràmiri paw wanupe ihe wà nehe, miar ipuruzukaiwahy ma'e wanupe ihe wà nehe no.

Levítico 26:37

Amo u'ar putar amo wanehe wà nehe. Nuzawy kwaw uzeàmàtyry'ym ma'e wà nehe. Naheta kwaw waàmàtyry'ymar wanuwake wà nehe. Nezewe rehe we uzeàmàtyry'ym putar wà nehe. Peàmàtyry'ymar wahem mehe naheta kwaw pekàgaw nehe. Napepuner kwaw waàmàtyry'ymaw rehe nehe.

Naum 2:4

Ywyramawa zeàmàtyry'ymawhu rehe har uzàn katu pe rupi tawhu myter romo wà. Wahaw katu haw tawhu myter rupi wà. Ko rupi wà, kwe rupi wà. Nuzawy kwaw tatainy imunyk pyrer wà. Uzàn àmàn iweraw paw ài wà.

Habacuque 3:11

Kwarahy a'e, zahy a'e no, upytu'u uhyape katu re wà, neru'yw heny katu haw hexak mehe wà, nepurukutukaw heny katu haw hexak mehe wà.