Naum 3:2 - Tupàn zeꞌeg

² Peinu katu kawaru wapetekaw ipok mehe kury. Peinu katu ywyramawa iànoànog mehe. Pe pe ur kawaru waiko uzàn pà wà. Ywyramawa zeàmàtyry'ymawhu pe har ur waiko uzàn pà wà no.

Naum 3:2 ပူးပေါင်းရင်းမြစ်များ

Isaías 9:5

Tata umumaw putar zauxiapekwer waxapat wànoànog ma'e paw rupi nehe. Imumaw paw pemurywete kar pà nehe. Umumaw putar wakamir tuwykwer hereko har paw rupi nehe no.

Jeremias 47:3

Kawaru wapy uwànoànog putar wà nehe. A'e teko wenu putar wànoànog mehe wà nehe. Wenu putar ywyramawa zeàmàtyry'ymawhu pe har wà nehe no. Wànoànog putar wà nehe. Awa nuzewyr kwaw wa'yr wapiaromo wà nehe. Ta'e wazywa na'ikàg kwaw wà xe. U'ar putar wà nehe.

Joel 2:4

Nuzawy kwaw kawaru wà. Uzàn kawaru zeàmàtyry'ymaw pe har wazàwe wà.

Joel 2:5

Opoopor wà waiko ywytyr apyr wà. Wànoànog ywyramawa zeàmàtyry'ymaw pe har wazàwe wà. Ywyra àkàgwer uxinig ma'e opoopok tata pupe. Nezewegatete opoopok a'e tukur ur mehe wà no. Nuzawy kwaw zauxiapekwer tetea'u zeàmàtyry'ymaw pe uzemuàgà'ym ma'e kwer wà.

Juízes 5:22

Na'e kawaru uzàuzàn a'e wà. Upyropyrog ywy a'e wà.