Naum 3:13 - Tupàn zeꞌeg

¹³ Zauxiapekwer penehe we har na'ikàg kwaw kuzà ài wà. Tawhu hukenaw uzewàpytymawok. Peàmàtyry'ymar upuner wixe haw rehe tawhu pupe wyzài 'ar mehe wà nehe. Ta'e tata umuaiw iwàpytymaw a'e xe.

Naum 3:13 ပူးပေါင်းရင်းမြစ်များ

Salmos 107:16

Weityk uken itazu morog iapo pyrer a'e. Uzukazuka itaper ipegegwer romo no.

Salmos 147:13

Ta'e umukàg tawhu hukenaw a'e xe. Omono uze'egatu teko a'e pe har wanehe no.

Isaías 19:16

A'e 'ar mehe Ezit ywy rehe har nuzawy kwaw kuzà a'e wà nehe. Uryryryryz putar ukyze mehe wà nehe, ta'e Tupàn Tuweharupi Wiko Ma'e Ikàg Wera'u Ma'e upir putar opo wanehe uzepyk pà nehe xe.

Jeremias 50:36

Tuwe wainuromo har uzeapo ma'e ràm imume'u har umàno wà nehe. Tuwe hemu'em ma'e umàno wà nehe. Tuwe iranaiwahy ma'e umàno wà nehe no. Tuwe wainuromo har zauxiapekwer umàno wà nehe. Ukyzeahy waiko wà kury.

Jeremias 50:37

Pemumaw waneimaw kawaru pe wà nehe. Pemumaw ywyramawa zeàmàtyry'ymawhu pe har nehe no. — Peiko heremiruze'eg romo nehe, i'i zauxiapekwer ikàg 'ym ma'e wanupe. Tuwe a'e zauxiapekwer umàno wà nehe. Pemumaw wanemetarer wanuwi nehe. Pepyhyk wanemetarer heraha pà wanuwi nehe.

Jeremias 51:30

Zauxiapekwer Mawiron ywy rehe har upytu'u amo zauxiapekwer waàmàtyry'ym ire wà. Upyta wàpuzuhutàtà pupe wà. Wakàgaw uhem wanuwi. Nuzawy kwaw kuzà wà. Amo ukauka tawhu hukenawhu wà. Tàpuz ukaz wà no.

Obadias 1:9

Zauxiapekwer Temà tawhu pe har uryryryryz putar ukyze haw wi a'e wà nehe. Zauxiapekwer zeàmàtyry'ymawhu pe oho ma'e umàno putar wà nehe. Amo uzuka putar wà nehe.

Naum 2:6

Uwàpytymawok yrykaw ipàrirogaw wà. Teko tàpuzuhu pe har ukyze wera'u wà kury.

Naum 2:7

Zauxiapekwer weraha wazar tupàn ua'u kuzà hagapaw a'e wi wà kury. Ixaxeto kuzà oho haikweromo uzai'o pà wà. Ikuhem pykahu ài wà. Ukwar upuxi'a rehe uzemumikahy haw hexak kar pà wà.

Naum 3:15

Nezewe rehe we tata pezuka putar nehe. Aze ru'u pemàno putar zeàmàtyry'ymawhu pe nehe. Tukur u'u arozràn paw wà. Nezewegatete peàmàtyry'ymar zauxiapekwer pemumaw putar wà nehe no. Peneta tetea'u tukur ài nehe.