Naum 3:10 - Tupàn zeꞌeg

¹⁰ Nezewe rehe we zauxiapekwer upyhyk Tew pe har waneraha pà wemipyhyk kwer romo wà. Weraha waiwy wi wà. Uzuhazuhaw kwarer pe iapar haw zekàgaw pe wà. Waàmàtyry'ymar omomor ita'i ma'e papar haw hereko har wà, tuwihaw wazar ràm romo wanexanexak pà wà. A'e re weraha wemipyhyk kwer a'e wi kyhàhàmtàtà pupe iàpixipixi pyrer romo wà.

Naum 3:10 ပူးပေါင်းရင်းမြစ်များ

2 Reis 8:12

Upuranu Azaew hehe. — Màràzàwe tuwe erezai'o iko, i'i izupe. Uwazar Erizew ize'eg izupe. — Ta'e akwaw iaiw ma'e Izaew wanupe neremiapo ràm ihe xe. Eremunyk putar tata tawhu Izaew waneko haw wanehe nehe. Erezuka putar kwàkwàmo ne wà nehe. Erezuhazuhaw putar kwarer wà nehe, kuzàtài wà nehe no. Eremowok putar kuzà ipuru'a ma'e wanie ne wà nehe no, i'i izupe.

Jó 6:27

Aze mo heta tu 'ym ma'e pepo pe, Peme'eg mo hemetarer katu wera'u ma'e pe. Te pemyrypar peme'eg mo amo pe uma'ereko e ma'e ràm romo wamuigo kar pà.

Salmos 137:8

Mawiron, amo nemumaw putar wà nehe. Urereityk pe pe. Amo peneityk putar nezewegatete a'e wà nehe no. Hurywete putar peneityk àràm wà nehe.

Salmos 137:9

Upyhyk putar kwarer pena'yr wà nehe, kuzàtàigwer penazyr wà nehe no. Ukamikamik putar itahu rehe wà nehe.

Salmos 149:8

Tuwe uzàpixipixi wanuwihawete kyhàhàm pupe wà nehe. Tuwe kyhàhàm tàtà pupe uzàpixipixi wanàmuz wà nehe.

Isaías 13:16

Uzuhazuhaw putar kwarer wanu wanenataromo wà nehe. Wixe putar wanàpuz me wama'e rehe imunar pà wà nehe. Uzapo putar iaiw ma'e wanemireko wapuhe wà nehe no.

Isaías 13:6

Pezai'o nehe. Pehapukaz nehe. Ta'e Tupàn Tuweharupi Wiko Ma'e i'ar uhem iko kury xe. Purumumaw pàwàm pureityk àwàm Tupàn Ikàg Wera'u Ma'e hemimur kar a'e, namuite kwaw a'e.

Isaías 19:4

Ihe amono putar Ezit ywy rehe har amo tuwihawete ikatu 'ym ma'e ipo pe ihe wà nehe. Upuraraw kar putar ma'erahy wanupe waneruze'eg mehe a'e nehe. Ihe pezar Tupàn Ikàg Wera'u Ma'e amume'u ko ze'eg kwez ihe kury, i'i Tupàn.

Isaías 20:4

Axir wanuwihawete weraha putar Ezit ywy rehe har wemipyhyk kwer romo wà nehe. Weraha putar Exio ywy rehe har nezewegatete wà nehe no. Weraha putar kwàkwàmo wà nehe. Weraha putar tua'uhez ma'e ihya'uhez ma'e wà nehe no. Wata putar ukamir 'ym pà uxapat 'ym pà wà nehe. Wata putar uwewirzekwa pà wà nehe. Nezewe mehe werur putar maranugar haw Ezit pe wà nehe.

Lamentações de Jeremias 2:19

Epu'àm tetea'u pyhaw Tupàn pe neze'eg pà nehe. — Hepyro pe nehe, ere izupe nehe. Ezakook nepy'a henataromo nehe. Nera'yr umàno waiko nahu za'akaw pe wà uma'uhez pà wà. Epyro wamàno haw wi ne wà nehe, ere izupe nehe.

Lamentações de Jeremias 4:1

Itazu or uzeapo ipihun ma'e romo azeharomoete a'e. Or ikatuahy ma'e naheny kwaw kury. Ita hekuzar katu ma'e tàpuzuhu pupe arer uhàuhàz nahu za'akaw pe kury.

Ezequiel 29:7

Nerehe wazekok mehe erepen waxi'i imuahy kar pà. Erepuwànahy kar wakupe wanupe no.

Oséias 13:16

Zauxiapekwer uzepyk putar teko Xamari pe har wanehe wà nehe. Ta'e nuputar kwaw Tupàn uzar romo wà xe. Awakwer umàno putar a'e zauxiapekwer wàmàtyry'ym mehe wà. A'e zauxiapekwer upei'ài'àg putar kwarer wà, kuzàtài wà no. Ukixi putar kuzà ipuru'a ma'e wanie wà nehe, wamemyr wanie pe har wazuka pà wà nehe.

Joel 3:3

Omomor ita'i ma'e papar haw hereko har wà, heremiaihu imunehew pyrer wazar ràm hexaexak pà wà. Ume'eg kwarer amo pe uma'ereko e ma'e romo wà. Ume'eg kuzàtài amo pe uma'ereko e ma'e romo wà no. Omono wanekuzarer kuzàwyzài wanupe wapuhe oho awer rehe wà. Ume'eg kar win tetea'u wà no.

Amós 1:13

Uze'eg Tupàn Tuweharupi Wiko Ma'e kury. — Teko Amon ywy rehe har uzapo ikatu 'ym ma'e tetea'u wà. A'e rupi azepyk putar wanehe nehe. Uzàmàtyry'ym Zireaz ywy rehe har wà wà, waiwy ipyro pà wà. A'e 'ar rehe ukixi kuzà ipuru'a ma'e wanie wà.

Obadias 1:11

Zauxiapekwer weityk ukenuhu Zeruzarez pe har wà. Wixe tawhu pupe wà. Weraha ikatu ma'e paw wà. Weraha temetarer paw wà no. A'e ma'e iapo mehe napezekaiw kwaw penywyr Izaew wanehe. A'e zauxiapekwer amo ae ywy rehe har omomor ita ma'e papar haw hereko har wà, a'e ma'e wemipyhyk kwer izar ràm romo hexakaw rehe wà. A'e ma'e iapo mehe, pezapo nezewegatete pe no.