Naum 2:5 - Tupàn zeꞌeg

⁵ Izaew waàmàtyry'ymar zauxiapekwer wanuwihaw ikàg wera'u ma'e uzapo kar ma'e amogwer zauxiapekwer wanuwihaw wanupe. Uzàn tuwihaw tawhu ipàrirogawhu pe wà. Uzàn mehe uzemuàzààzàn wà. Uzapo amo ma'e uzeàmimaw romo wàmàtyry'ymar wanuwi wà.

Naum 2:5 ပူးပေါင်းရင်းမြစ်များ

Isaías 21:5

Hepuahu zàwenugar pe aexak amo mai'u haw uhua'u ma'e Mawiron pe imuhyk pyrer. Henoz pyrer wapyk àwàm uhyk wanupe. Henoz pyrer umai'u tetea'u wà. Uwi'u win tetea'u pupe wà no. Na'arewahy a'e 'ar mehe we amo umume'u ko ze'eg a'e pe har wanupe. — Tuwihaw wà: pepu'àm petakihepuku ipyhyk pà nehe, i'i wanupe.

Isaías 5:27

Ni pitài zauxiapekwer a'e ywy rehe har na'ikene'o kwaw wà. Ni pitài zauxiapekwer a'e ywy rehe har nuzepyapi kwaw wà. Nupytu'u kwaw wà. Nuker kwaw wà. Uzemuàgà'ym amo wàmàtyry'ym pà wà. Uzeku'apixi haw umumykahy uzehe wà. Waxapat ihàm nuzemonohok kwaw.

Jeremias 46:12

Teko ywy tetea'u rehe har wenu waneitykaw imume'u haw wà. Teko ywy nànànar wenu wanehapukaz mehe wà. Amo zauxiapekwer uzepyapi amo rehe. Mokoz u'ar ywy rehe wà.

Jeremias 50:29

— Pezàmàtyry'ym Mawiron nehe, peze u'yw pupe puruzywà ma'e wanupe nehe. Aze amo ukwaw ma'ezywà haw u'yw pupe ywyrapar pupe wà nehe, pemono kar a'e pe pe wà nehe. Pemàmàn tawhu izywyr nehe. Pemuhem kar zo amo pe wà nehe. Tuwe Mawiron umekuzar wemiapo kwer paw wà nehe. Uzapo iaiw ma'e amo wanupe wà. Pezapo nezewegatete haw wanupe nehe no. Ta'e uze'eg nezewe ihewe a'e wà xe. — Uruiko wera'u newi ure, i'i ihewe wà. Tupàn Ikatuahy Ma'e Izaew wazar romo aiko ihe.

Naum 2:6

Uwàpytymawok yrykaw ipàrirogaw wà. Teko tàpuzuhu pe har ukyze wera'u wà kury.

Naum 3:18

Axir wanuwihawete umàno a'e. Hehe we har tuwihaw umàno a'e wà no. Zauxiapekwer wanuwihaw umàno a'e wà no. Wanemiruze'eg teko uhàuhàz ywytyruhu nànàn wà. Naheta kwaw wamono'og wi har wà.

Naum 3:3

Kawaru ku'az har uzàmàtyry'ym wà wà. Uzuka wàmàtyry'ymar takihepuku heny katu ma'e pupe wà, purukutukawhu heny katu ma'e pupe wà no. Heta umàno ma'e kwer pe nànàn wà, tàpuz nànàn wà no. Heta tetea'u umàno ma'e kwer wanetekwer wà. Zauxiapekwer uzepyapi wanetekwer wanehe wà.

Habacuque 1:8

Waneimaw kawaru uzàn wera'u zàwàruhu ereopar her ma'e wanuwi wà. Hehaite wera'u awarahu ywyxiguhu pe har wanuwi wà. Zauxiapekwer kawaru ku'az har ur waiko weimaw waku'az wà. Uzàn wà waiko muite wi wà. Na'arewahy wiràhu u'ar wemiar rehe. Na'arewahy zauxiapekwer ur wiràhu ài wà.