Naum 2:3 - Tupàn zeꞌeg

³ Zauxiapekwer ur ma'e kwer werur u'yw wi purumimaw ipiràg ma'e wà. Wakamir ipiràg no. Uzemuàgà'ym waiko Nin tawhu iàmàtyry'ym pà wà. Wama'e ywyramawa heny katu tata ài wà. Kawaru uzàn ko rupi wà. Uzàn kwe rupi wà no.

Naum 2:3 ပူးပေါင်းရင်းမြစ်များ

Jó 39:23

U'yw upepoze'egahy wa'aromo ukwaw mehe wà. Purukutukaw wà, u'ywpuku wà no, heny katu wanenataromo wà no.

Salmos 80:13

Tazahu ka'a pe har upyropyrog i'yw rehe imumaw pà wà. Miar hehaite ma'e u'u paw rupi wà.

Isaías 14:8

Ywyra xip her ma'e wà, ywyràkàxigyw Irimano rehe har wà no, hurywete Mawiron wanuwihawete heityk awer rehe wà. A'e rupi uze'eg nezewe wà. — Amo 'ar mehe upaw a'e. A'e 'ar henataromo nuzexak kar kwaw amo zanereityk àràm a'e, naheta kwaw zanemumaw àràm wà: i'i wà.

Ezequiel 23:24

Neàmàtyry'ym putar wà kwarahy heixe haw awyze har kutyr har wi wà nehe. Werur putar zauxiapekwer tetea'u wà nehe. Werur putar ywyramawa zeàmàtyry'ymawhu pe har tetea'u wà nehe no. Werur putar wemi'u ràm tetea'u ywyramawa pupe wà nehe no. Umunehew putar uzeàmimaw wà nehe, wàkàg ipykaw wà nehe no. Na'e umàmàn putar neiwyr wà nehe. Oromono putar wanupe ihe nehe. Umume'u putar neremiapo kwer wà nehe, wanuwihawete ze'eg heruzar 'ymaw imume'u pà wà nehe.

Ezequiel 26:7

Tupàn Tuweharupi Wiko Ma'e uze'eg iko. — Arur putar Mawiron wanuwihawete Namukononozor ihe nehe. Upuner wera'u amogwer tuwihawete nànàn a'e. Uzàmàtyry'ym putar Xir tawhu a'e nehe. Ur putar ywy kwarahy heixe haw awyze har kutyr har wi zauxiapekwer tetea'u wanerur pà nehe. Werur putar kawaru tetea'u wà nehe. Werur putar ywyramawa zeàmàtyry'ymawhu pe har tetea'u wà nehe no. Ur putar zauxiapekwer kawaru ku'az har hupi wà nehe no.

Naum 3:2

Peinu katu kawaru wapetekaw ipok mehe kury. Peinu katu ywyramawa iànoànog mehe. Pe pe ur kawaru waiko uzàn pà wà. Ywyramawa zeàmàtyry'ymawhu pe har ur waiko uzàn pà wà no.

Zacarias 1:8

A'e 'ar mehe pyhaw aexak amo ma'e hepuahu zàwenugar pe ihe. Aexak amo Tupàn Tuweharupi Wiko Ma'e heko haw pe har amo kawaru ipiràg ma'e iku'az hin mehe. Tupàn heko haw pe har upytu'u amo ywyàpyznaw rehe ka'akyr wamyter pe. Amo Tupàn heko haw pe har wapyk kawaru waku'az wà, a'e Tupàn heko haw pe har haikwer pe wà no. Amo wapyk kawaru ipiràg ma'e iku'az wà no. Amo wapyk kawaru ipytàg ma'e waku'az wà no. Amo wapyk kawaru xig ma'e waku'az wà no.

Zacarias 11:2

Pezai'o nehe, ywyra pin 'yw wà, ta'e ywyràkàxigyw u'ar a'e wà xe. Amo umumaw a'e ywyra ipuràg eteahy ma'e wà. Pezai'o nehe, ywyra kawar Màxà rehe har wà. Ta'e amo omonohok ka'a imonohok pixik 'ym pyrer wà.

Zacarias 6:2

Kawaru ipiràg ma'e weraha ywyramawa ràgypy wà. Kawaru ipihun ma'e weraha ywyramawa mokoz haw wà.

Apocalipse 12:3

Na'e amo ae ma'e uzexak kar ywak rehe a'e no. Mozuhu ipiràg ma'e uzexak kar a'e pe. Heta 7 iàkàg izupe, heta 10 i'ak no. Umunehew tuwihaw àkàgàpixi haw wàkàg rehe pitàitàigatu a'e no.

Apocalipse 6:4

Na'e uhem kawaru ipiràg ma'e oho urewi a'e kury. Tupàn omono ukàgaw iku'az har pe, takihe uhua'u ma'e imono pà izupe. Omono kar ywy nànàn, teko wàmàtyry'ym kar pà izupe.