Naum 1:9 - Tupàn zeꞌeg

⁹ Ma'e ikatu 'ym ma'e Tupàn Tuweharupi Wiko Ma'e pe penemiapo ràm pemume'u peiko pezeupeupe. Pemumaw putar upaw rupi a'e nehe. Ni amo teko nuzàmàtyry'ym kwaw Tupàn mokoz haw wà.

Naum 1:9 ပူးပေါင်းရင်းမြစ်များ

2 Samuel 20:10

Nuexak kwaw Amaz takihepuku Zoaw ipo inugwer rehe. Na'e Zoaw ukutuk Amaz hie pe kury. Uhem hie kwer ywy rehe uhàuhàz tà. A'e 'ar mehe we umàno. Nukutuk wi kwaw Zoaw, ta'e umàno pitài kutukaw rehe a'e xe. Na'e Zoaw wekar wiwi Xewa oho wywyr Amizaz rupi uzàn pà kury.

Salmos 21:11

Iàmàtyry'ymar umume'u ikatu 'ym ma'e izupe wemiapo ràm wà, izuka àwàm imume'u pà wà. Nupuner kwaw ikatu 'ym ma'e iapo haw rehe izupe wà nehe.

Salmos 33:10

Tupàn Tuweharupi Wiko Ma'e umumaw ywy nànànar wanemiapo putar haw a'e. Nuzapo kar kwaw wanemimutar a'e teko wanupe a'e.

Provérbios 21:30

Tupàn Tuweharupi Wiko Ma'e a'e, ikàg wera'u ma'ekwaw katu haw wi a'e, ma'e kwaw paw wi a'e no.

Isaías 28:22

A'e rupi pepytu'u pepuka re nehe. Aze mo nan, kyhàhàmtàtà pezeàpixipixi haw uzemumikahy wera'u putar nehe. Ta'e ainu Zanezar Tupàn Tuweharupi Wiko Ma'e ize'eg mehe ihe xe. — Pemumaw ko ywy paw nehe, i'i a'e.

Jeremias 51:64

Na'e eze'eg nezewe wanupe nehe. — Nezewe haw uzeapo putar Mawiron pe nehe. Uzeapypyk putar nehe. Nuzeupir pixik kwaw nehe. Ta'e Tupàn werur putar imumaw paw hehe a'e nehe xe, ere wanupe nehe, a'e izupe. Zeremi ize'eg upaw xe kury.

Ezequiel 21:5

Tupàn Tuweharupi Wiko Ma'e romo aiko ihe. Paw rupi ukwaw putar hetakihe iapirer wi henuhemaw wà nehe. Namuzewyr kwaw ipupe nehe. Ukwaw putar imuzewyr 'ymaw wà nehe no.

Ezequiel 7:5

Zanezar Tupàn Tuweharupi Wiko Ma'e umume'u ko ze'eg a'e. — Iaiw haw u'ar putar penehe a'e wà nehe. U'ar putar amo nehe. Na'arewahy u'ar putar amo no.

Oséias 7:15

Ihe wamu'e arer romo aiko ihe. Ihe wamukàg kar arer romo aiko ihe. Nezewe rehe we umume'u ikatu 'ym ma'e ihewe wemiapo ràm waiko wà.

Naum 1:11

Amo awa ur Nin tawhu wi a'e. Ikatu 'ym ma'e iapo har romo hekon a'e. Ikatu 'ym ma'e rehe ipurapo wer Tupàn pe kury.

2 Coríntios 10:5

Aze amo teko hemu'em amogwer wanupe wà nehe, aze a'e rupi inugwer teko nukwaw kwaw Tupàn a'e wà nehe, urumume'u putar Tupàn ze'eg ure nehe, a'e temu'emaw imunàn pà ure nehe. A'e rupi temu'emaw rehe ima'enukwaw mehe, — Ezeruzar zo a'e temu'emaw rehe nehe, uru'e izupe. — Eruzar Zaneruwihawete ze'eg nehe, uru'e izupe. — Eruzar zo a'e temu'emaw imume'u har nehe, uru'e izupe.

1 Samuel 26:8

Na'e uze'eg Amizaz Tawi pe. — Kutàri pyhaw Tupàn umur neàmàtyry'ymar kwez nepo pe kury. Tuwe akutuk Xau ipurukutukaw pupe ihe nehe. Akutuk putar ywy rehe pitài ikutukaw rupi ihe nehe. Ni mokoz ikutukaw nazapo kwaw nehe, i'i Tawi pe.

1 Samuel 3:12

— Amume'u iaiw ma'e Eri iànàm wanupe iapo pyràm ihe. Azapo putar a'e ma'e paw a'e 'ar mehe ihe nehe.