Naum 1:1 - Tupàn zeꞌeg

¹ Tupàn wexak kar Nin tawhu pe uzeapo ma'e ràm Nau pe ipuahu zàwenugar pe a'e. Nau wiko Ewko tawhu pe har romo a'e.

Naum 1:1 ပူးပေါင်းရင်းမြစ်များ

Gênesis 10:11

Na'e Nihoz uhem oho a'e ywy wi kury, Axir ywy rehe oho pà kury. Uzapo kar 4 tawhu a'e ywy rehe: Nin, Heomot-Ir, Kara tawhu uhua'u ma'e, Hezem.

2 Reis 19:36

Na'e Xenakeriw Axir wanuwihawete uhem oho a'e wi kury. Uzewyr Nin tawhu pe. Upyta a'e pe.

Isaías 10:5

Tupàn Tuweharupi Wiko Ma'e uze'eg nezewe. — Tuwe Axir ywy rehe har wanuwihawete uzemumikahy nehe. Nuzawy kwaw ywyràihàg hepo pe har. Aikwahy heremiaihu wanupe. Anupànupà putar heremiaihu ipupe nehe, ta'e aikwahy wanupe xe.

Isaías 13:1

Tupàn uze'eg Mawiron wanehe a'e, Izai Amoz ta'yr pe ipuahu mehe a'e.

Isaías 14:28

Tuwihawete Akaz umàno a'e. A'e kwarahy mehe Tupàn umur kar ko ze'eg a'e:

Isaías 15:1

Na'aw Tupàn ze'eg Moaw izuapyapyr wanupe imume'u pyrer xe kury: Zauxiapekwer weityk Ar tawhu imumaw pà wà. Xo pitài 'ar mehe pyhaw zo umumaw ikaika haw wà. Umumaw Kir tawhu wà no. Xo pitài 'ar mehe pyhaw zo umumaw wà.

Isaías 19:1

Na'aw Tupàn ze'eg Ezit ywy rehe zepyk àwàm xe kury. Tupàn Tuweharupi Wiko Ma'e ywàkun rehe wapyk ma'e oho iko tàrityka'i Ezit ywy rehe kury. Tupàn a'ua'u a'e ywy rehe har uryryryryz putar henataromo wà nehe. Ezit ywy rehe har paw ukyze putar izuwi wà nehe.

Isaías 21:1

Na'aw ze'eg Mawiron kutyr har xe kury: Ywyxiguhu yryhu iwyr har, i'i teko izupe wà: Ywytuaiw upeipeir ywy kwarahy hemaw awyze har kutyr har hereko. Nezewegatete puruzuka ma'e ràm ur putar ywyxiguhu wi a'e. Teko ukyze tuwe a'e ywyxiguhu wi wà.

Isaías 22:1

Teko wexak upuahu zàwenugar amo ywyàpyznaw rehe wiko mehe wà. Na'aw Tupàn ze'eg a'e ywyàpyznaw rehe har xe kury: Màràzàwe tuwe pezeupir penàpuz 'aromo har rehe peapyk pà.

Isaías 23:1

Tupàn umume'u putar Xir tawhu rehe uzepyk àwàm xe a'e nehe kury. Pezai'o nehe, kanuhu pupe har yryhu myter pe har wà, ta'e zauxiapekwer weityk Xir tawhu ikaika pà wà xe. Naheta kwaw ni pitài tàpuz heityk 'ym pyrer. Umumaw kanuhu wapytu'u haw wà no. Xip yrypypo'o pe peneko mehe penu Xir heityk awer imume'u haw.

Jeremias 28:8

Kwehe mehe nezexak 'ym mehe we hezexak 'ym mehe we Tupàn ze'eg imume'u har uze'eg nezewe wà. — Ur putar zeàmàtyry'ymawhu nehe, ur putar ma'uhez haw nehe, ur putar ma'eahy haw nehe, teko ywy tetea'u rehe har wanupe nehe, tuwihawete upuner ma'e wanemiruze'eg wanupe nehe no.

Jonas 1:2

— Ezemuàgà'ym nehe. Eho tawhu Nin her ma'e pe nehe. Emume'u a'e pe har wanemiapo kwer iaiw ma'e eho wanupe nehe. Ta'e wakatu 'ymaw imume'u haw uhem heapyakwar pe xe, i'i izupe.

Naum 2:8

Teko Nin pe har uzàn a'e wi wà. Nuzawy kwaw 'y ypaw iapo pyrer wi uhem ma'e kwer wà. — Pepytu'u, pepytu'u, amo i'iahy purupe. Ni amo nupytu'u kwaw uzàwehem ire wà.

Habacuque 1:1

Tupàn umume'u ma'e Amakuk pe ipuahu zàwenugar hexak kar pà izupe a'e.

Sofonias 2:13

Tupàn uzàmàtyry'ym putar Axir ywy rehe har a'e wà nehe no. Kwarahy heixe haw awyze har kutyr har rehe wanekon Axir wà. Umumaw putar Tupàn a'e ywy nehe. Umumaw putar Nin tawhu nehe no. Naheta kwaw teko a'e pe a'e re wà nehe. Nuzawy kwaw ywyxiguhu 'y heta 'ymaw nehe.

Zacarias 9:1

Na'aw Tupàn Tuweharupi Wiko Ma'e ze'eg xe kury. — Azepyk putar Anarak ywy rehe ihe nehe. Azepyk putar Namaz tawhu rehe ihe nehe no. Tawhu Xir ywy rehe har paw wà, Izaew ta'yr wazuapyapyr wà no, upaw rupi katete wiko Tupàn Tuweharupi Wiko Ma'e hemiruze'eg romo wà.

Malaquias 1:1

Tupàn Tuweharupi Wiko Ma'e umume'u uze'eg ko pape rehe imuapyk kar pyràm Maraki pe a'e. — Emume'u ko heze'eg eho teko Izaew izuapyapyr wanupe nehe, i'i izupe.