Mateus 4:6 - Tupàn zeꞌeg

⁶ Uze'eg izupe. — Tupàn ta'yr romo ereiko ne, a'e rupi ezemomor eho ne'ar pà xe wi ywy rehe nehe, ta'e nezewe i'i Tupàn ze'eg pape rehe imuapyk pyrer a'e xe. Tupàn uze'eg putar weko haw pe har wanupe a'e nehe, neruwake har wanupe nehe. A'e mehe nepyhyk putar wà opo pupe a'e wà nehe, ne'ar mehe a'e wà nehe. Nezewe mehe nanepirok kwaw ita a'e nehe.

Mateus 4:6 ပူးပေါင်းရင်းမြစ်များ

Jó 1:10

Nerezapo pixik kar kwaw ikatu 'ym ma'e izupe, iànàm wanupe, ima'e pe. Eremono neze'egatu hemiapo nànàn. A'e ywy rehe a'e wereko tapi'ak tetea'u wera'u amo wanuwi upaw rupi a'e wà.

Jó 5:23

Neko pe ita numuaiw kwaw ywy heruwaruwak awer nehe. Miar ipuruzukaiwahy ma'e nuzeagaw kwaw nezuka pà wà nehe no.

Salmos 34:20

Upyro tuwe a'e wà, waàmàtyry'ymar wanuwi wamunyryk kar pà a'e wà. Nuzuhaw kwaw ni pitài wàkàgwer wà.

Salmos 34:7

Tupàn Tuweharupi Wiko Ma'e heko haw pe har upyta Tupàn wi ukyze ma'e wanuwake a'e. Umunyryk kar ikatu 'ymaw wanuwi wi a'e.

Mateus 4:4

Uze'eg Zezuz izupe. — Nezewe i'i ze'eg kwehe arer pape rehe imuapyk pyrer a'e. Aze teko u'u typy'ak a'e wà nehe, ikàg putar a'e wà nehe. Typy'ak i'u haw numuigo kar kwaw teko Tupàn pyr a'e wà nehe. Aze uzeruzar ize'eg rehe wà nehe, aze weruzar ize'eg wà nehe, Xo a'e mehe zo wiko putar tuweharupi Tupàn pyr wà nehe.

2 Coríntios 11:14

— Màràzàwe tuwe pezeruzar waze'eg rehe, na'e kwaw peme. Te Zurupari upuner Tupàn heko haw pe har ài uzeapo haw rehe a'e. Upuner Tupàn ikàgaw ipuràgaw hereko har ài uzexak kar haw rehe a'e, purupe wemu'em pà a'e.

Hebreus 1:14

Ma'e romo Tupàn heko haw pe har wanekon a'e wà. Tekwe romo wanekon wà. Uzapo ma'e oho waiko Tupàn pe wà, uzar pe wà. Tupàn omono kar a'e weko haw pe har ywy rehe a'e wà. Ywy rehe waneko mehe upytywà Tupàn pyr oho ma'e ràm waiko wà, Tupàn hemipyro ràm wapytywà pà wà.