Mateus 27:46 - Tupàn zeꞌeg

⁴⁶ Karumehe heiheihem Zezuz a'e kury. — Eri, Eri, erema xapatani, i'i ahyahy Tupàn pe Zutew ze'eg rupi. — Tupàn, Tupàn, màràzàwe tuwe nahepytywà kwaw pe ne, i'i a'e ze'eg zaneze'eg rupi.

Mateus 27:46 ပူးပေါင်းရင်းမြစ်များ

Salmos 22:1

Tupàn hezar, Tupàn hezar. Màràzàwe tuwe eretyryk ihewi ne. Màràzàwe tuwe erepyta muite ihewi ne. Màràzàwe tuwe naherenu kwaw pe hepytywà àwàm henoz mehe ne, newe herehapukaz mehe ne.

Salmos 71:11

— Tupàn weityk a'e awa a'e, i'i wà. — Zaha haikweromo ipyhyk pà nehe, Ta'e naheta kwaw ipyro har a'e xe, i'i wà.

Isaías 53:10

Tupàn Tuweharupi Wiko Ma'e uze'eg nezewe. — Hepurapo wer ikatu 'ym ma'e rehe izupe. Hepurupuraraw kar wer ma'erahy rehe izupe. Uzezuka kar teko wanemiapo kwer ikatu 'ym ma'e wanekuzaromo. Nezewe rehe we, ipukua'u putar heko àwàm a'e rupi nehe. Wexak putar uzuapyapyr wà nehe. Umuzeapo kar putar ma'e paw heremimutar rupi nehe.

Lamentações de Jeremias 1:12

Uze'eg nezewe uzeiwyr wata ma'e wanupe wà. — Peme'e urerehe nehe. Aipo heta amo tahy haw urerahy haw zàwenugar. Wikwahy mehe Tupàn Tuweharupi Wiko Ma'e uzepyk urerehe ko ma'erahy ipuraraw kar pà a'e.

Mateus 27:47

Teko a'e pe u'àm ma'e wenu ize'eg mehe a'e wà. — Kwa, uze'eg Eri pe kwez a'e, i'i izupe wà.

Marcos 15:34

Karuk mehe uhapukaz Zezuz a'e kury. — Erui, Erui, erema xapatani, i'i Tupàn pe, uhapukaz pà. — Tupàn, Tupàn, màràzàwe tuwe nahepytywà kwaw pe ne, i'i a'e ze'eg zaneze'eg rupi.

Lucas 23:46

Heiheihem tuwe Zezuz a'e kury. — Heru, nepo pe amono kar putar herekwe ihe kury, i'i Tupàn pe kury. Uze'eg ire, umàno kury.

Hebreus 5:7

Ko ywy rehe wiko mehe uze'eg Zezuz Tupàn pe tuweharupi a'e. — Hepytywà pe nehe, i'i izupe tuweharupi. Uzai'o izupe uze'eg mehe no. Tupàn upuner mo imàno haw wi ipyro haw rehe a'e. Nupyro kwaw. Zezuz uzeapo ikàg 'ym ma'e romo. Weruzar Tupàn ze'eg iko tuweharupi, hemiapo putar haw iapo pà. A'e rupi Tupàn wenu ize'eg mehe.