Mateus 24:8 - Tupàn zeꞌeg

⁸ Agwer ma'e kuzà imemyrahy haw ài uzeapo putar nehe.

Mateus 24:8 ပူးပေါင်းရင်းမြစ်များ

Isaías 10:4

Zauxiapekwer peneraha putar wemipyhyk kwer romo wà nehe. Pezuka putar zeàmàtyry'ymawhu pe wà nehe. Nezewe rehe we nahakuir kwaw Tupàn ikwahy haw. Upir wiwi opo penehe uzepyk pà.

Isaías 9:12

Xir ywy kwarahy hemaw kutyr tuz a'e. Pirite ywy kwarahy heixe haw kutyr tuz a'e. Uzurupeka zàwàruhu ài teko Izaew wa'u pà wà. Nezewe rehe we nahakuir kwaw Tupàn ikwahy haw, upir wiwi opo wanehe uzepyk pà.

Isaías 9:17

Zanezar nupuhareko kwaw kwàkwàmo wà nehe, nupuhareko kwaw kuzàwaza wà nehe. Nupuhareko kwaw tu 'ym ma'e wà nehe. Nupuhareko kwaw imen umàno ma'e kwer wà nehe, ta'e ni amo nuzeruzar kwaw Tupàn rehe wà xe. Na'ikatu kwaw upaw rupi wà. Uze'eg he'o ma'e ài wà. Nezewe rehe we nahakuir kwaw Tupàn ikwahy haw. Upir wiwi opo wanehe uzepyk pà.

Isaías 9:21

Manaxe izuapyapyr uzàmàtyry'ym Eparai izuapyapyr oho wà. Eparai uzàmàtyry'ym Manaxe oho wà no. Uzemono'og oho Zuta izuapyapyr wàmàtyry'ym pà wà no. Nezewe rehe we nahakuir kwaw Tupàn ikwahy haw. Upir wiwi opo wanehe uzepyk pà.

Oséias 13:13

Izaew waneko katu haw 'ar uhem kwez kury. Izaew naheko katu wer kwaw wà, ta'e iranaiw a'e wà xe. Nuzawy kwaw kwarera'i uhy rie wi ihem wer 'ym ma'e a'e wà.

Marcos 13:8

Teko uzàmàtyry'ym putar amo teko oho a'e wà nehe, tuwihaw uzuka putar amo tuwihaw oho wà nehe no. Ywy paw uryryryryz putar a'e nehe no. Teko tetea'u ima'uhez putar a'e 'ar mehe a'e wà nehe no. Agwer uzeapo ma'e ràm nuzawy kwaw kuzà imemyrahy haw ipy a'e nehe. Aze hahy hie nehe, xikwaw imemyr izexak kar etea'i haw zane. Nezewegatete aze agwer ma'e uzeapo wà nehe, pekwaw putar iahykaw ihem etea'i haw nehe.

Lucas 21:12

A'e 'ar 'ym mehe we, teko pepyhyk putar a'e wà nehe, ma'erahy ipuraraw kar pà peme a'e wà nehe. Umume'u putar penemiapo kwer tuwihaw wanuwa rupi wà nehe. Peneraha putar zemono'ogaw pe wà nehe no, pemunehew kar pà zemunehew paw pe wà nehe no. Peneraha putar tuwihaw wanuwa rupi wà nehe no, ta'e pezeruzar herehe pe xe.

Deuteronômio 28:59

a'e mehe uzepyk putar penehe nehe. Uzepyk putar pezuapyapyr wanehe nehe no, ma'eahy wyzàizài imur kar pà penehe nehe, ma'eahy haw iaiw ma'e imur pà penehe nehe. Napekatu kwaw na'arewahy a'e ma'eahy haw wi nehe.

1 Tessalonicenses 5:3

Kuzà ipuru'a ma'e a'e, nukwaw kwaw umemyrahy haw wi uhem àwàm a'e. — Nahepurupuraraw wer kwaw zepe a'e ma'erahy rehe ihe, i'i putar zepe uzeupe nehe. Nan kwaw pa. Upuraraw putar a'e ma'erahy azeharomoete nehe. Nupuner kwaw uhemaw rehe izuwi nehe. Nezewegatete teko a'e wà nehe no. Nukwaw kwaw ma'erahyhu iahykaw rehe har ihemaw 'ar a'e wà no. — Xo ikatuahy ma'e uzeapo iko zanewe kury, naxipuraraw kwaw ma'erahy zaiko zane kury, i'i putar uzeupeupe wà nehe. Na'arewahy a'e 'ar mehe we uhem putar ma'erahyhu iahykaw rehe har a'e nehe. — Nahepurupuraraw wer kwaw zepe ko ma'erahy rehe ihe, i'i putar zepe uzeupe wà nehe, a'e kuzà ài wà nehe. Nan kwaw pa. Upuraraw putar tuwe a'e ma'erahyhu wà nehe. Nupuner kwaw uhemaw rehe izuwi wà nehe.

Tiago 5:1

Pe hemetarer katu ma'e pe ty wà, pezeapyaka katu heze'eg rehe nehe. Pezemumikahy pezai'o pà nehe, ta'e pepuraraw putar ma'erahy nehe xe.