Mateus 24:35 - Tupàn zeꞌeg

³⁵ Tupàn umumaw putar ywak amo 'ar mehe a'e nehe. Umumaw putar ywy a'e nehe no. Heze'eg nukàzym pixik kwaw a'e nehe.

Mateus 24:35 ပူးပေါင်းရင်းမြစ်များ

Salmos 102:26

Ywy a'e nehe, ywak a'e nehe no, upaw putar a'e wà nehe. Ne nerepaw pixik kwaw nehe. Ywy ywak izemàner putar kamir ài wà nehe. Aze kamir owok, xityk. Nezewegatete ereityk putar ywy ywak ne wà nehe no.

Salmos 119:89

O Tupàn Tuweharupi Wiko Ma'e, neze'eg nupaw pixik kwaw nehe. Ikàgaw nuzawy kwaw ywak ikàgaw a'e.

Salmos 19:7

Tupàn Tuweharupi Wiko Ma'e ze'eg ikatuahy a'e. Umur ukàgaw ipyahu ma'e zanewe. Ikatu ipureruze'egaw rehe zanezeruzar haw. Ukwaw kar ma'e wyzài ma'e kwaw par 'ym wanupe.

Salmos 89:34

Nazuhaw kwaw heze'egaw hehe we heremiapo katu kwer nehe. Azapo putar heremimume'u kwer tuweharupi nehe.

Provérbios 30:5

Tupàn hemimume'u kwer paw azeharomoete har romo a'e. Aze teko uzepyro kar izupe wà, wiko wamimaw romo a'e.

Isaías 34:4

Tupàn umumaw putar kwarahy nehe, zahy nehe no, zahytata wà nehe no. Ywak uzemàzemàn putar pape huwer ài nehe. Huwer u'ar uwà 'yw wi wà. Huwer u'ar pi 'yw wi wà. Nezewegatete zahytata paw u'ar putar ywak wi nehe.

Isaías 40:8

Uxinig ka'a kyr. Iputyr u'ar. Nezewe rehe we Tupàn ze'eg nupaw pixik kwaw nehe, ere purupe nehe, i'i ihewe.

Isaías 51:6

Peme'e ywak rehe ywate nehe. Peme'e ywy rehe xe ywak iwy pe nehe. Ywak ukàzym putar tàtàxiner ài nehe. Ywy izemàner putar kamir kwehe arer ài nehe. Hehe har umàno putar meru ài wà nehe. Aityk putar heàmàtyry'ymar upaw rupi ihe wà nehe. Hepuner haw upyta tuweharupi nehe. Nupaw pixik kwaw nehe.

Isaías 54:10

Ywytyruhu upuner ukàzymaw rehe wà nehe. Ywytyr upuner uzepe'àpe'àgaw rehe wà nehe no. Nezewe rehe we napytu'u pixik kwaw neamutar katu re nehe. Neàmàtyry'ym pixik àwàm newe heremimume'u kwer nazuhaw pixik kwaw nehe, i'i Tupàn Tuweharupi Wiko Ma'e neamutar katu har a'e.

Isaías 55:11

Nezewegatete heze'eg heremimume'u a'e, nuzewyr kwaw heremimutar iapo 'ym pà nehe. Uzapo heremiapo putar haw upaw rupi.

Daniel 4:28

A'e rupi a'e ma'e paw uzeapo tuwihawete Namukononozor pe.

Números 23:19

Tupàn nahemu'em kwaw teko wazàwe a'e. Nuiko kwaw teko romo. Nuzewyr kwaw uze'eg awer wi. Aze Tupàn umume'u wemiapo ràm, aipo nuzapo kwaw. — Azapo putar ihe nehe, i'i. Uzapo tuwe a'e.

Mateus 5:18

Pema'enukwaw ko heze'eg rehe nehe ty wà. Amo 'ar mehe ywak ukàzym putar a'e nehe, ywy ukàzym putar a'e nehe no. A'e ze'eg kwehe arer nukàzym pixik kwaw a'e nehe. — Peneharaz Moizez ze'eg wi nehe, heze'eg imume'u har ize'eg wi nehe, ni'i kwaw Tupàn purupe a'e nehe. — Pema'enukwaw a'e ze'eg kwehe arer rehe pitàitàigatu nehe, i'i iko purupe a'e. Ta'e azapo putar wanemimume'u kwer paw rupi katete ihe nehe xe, ta'e aruzar a'e ze'eg ihe no xe.

Marcos 13:31

Ywak nehe, ywy nehe no, upaw putar wà nehe. Ukàzym putar wà nehe. Heze'eg nupaw pixik kwaw a'e nehe. Azeharomoeteahy. — Teko nukwaw kwaw a'e 'ar wà rihi, i'i Zezuz teko wanupe.

Lucas 21:33

Ywak ukàzym putar nehe. Ywy ukàzym putar nehe no. Heze'eg nukàzym pixik kwaw nehe.

Tito 1:2

Tupàn nahemu'em pixik kwaw a'e. Kwehe mehe, ywy iapo 'ym mehe we, uze'eg nezewe. — Aze teko uzeruzar hera'yr rehe wà nehe, a'e mehe amuigo kar putar a'e teko hepyr tuweharupi ihe wà nehe, i'i. Apurumu'e aha teko ko ze'eg rehe ihe. Xiàro ipyr zaneho àwàm zaiko zane.

1 Pedro 1:25

Tupàn ze'eg a'e, Nukàzym pixik kwaw nehe. Teko ukwaw putar ize'eg tuweharupi a'e wà nehe. Urumume'u a'e ze'eg puràg peme ure.

Apocalipse 20:11

Na'e aexak tuwihaw henaw uhua'u ma'e xig ma'e ihe kury. Aexak hehe wapyk ma'e ihe no. Na'e ywy a'e, ywak a'e no, ukàzym oho a'e wi izuwi a'e wà. Ni amo nuexak pixik kwaw waho haw wà. Ni amo nuexak kwaw a'e re wà.

Apocalipse 3:14

Uze'eg wi Zezuz ihewe kury. — Emono kar ko heze'eg uzeruzar ma'e Araorixez tawhu pe har wanupe nehe ty, pape rehe imuapyk pà nehe ty, i'i ihewe. Na'aw ize'eg xe kury. — Heta amo ae herer ihewe. — Azeharomoete har, herer romo ihe. Amume'u katu ze'eg azeharomoete har teko purupe ihe. Izypy mehe Tupàn uzapo kar ma'e paw rupi katete ihewe a'e.

Apocalipse 6:14

Na'e ywak ukàzym a'e kury, pape imàimàn pyrer ài a'e kury. Ywytyr paw rupi a'e wà, yrypypo'o paw rupi a'e wà no, utyryk wenaw wi a'e wà no.