Mateus 2:18 - Tupàn zeꞌeg

¹⁸ Teko wenu amo Hama taw pe har wazai'o mehe wà, Wazemumikahy mehe wà. Hakew uzai'o iko umemyr wanehe. Uzai'o tuwe iko a'e. Ni amo no'ok kwaw izemumikahy haw izuwi wà nehe. Ta'e amo uzuka kwarearera'i paw rupi a'e wà xe.

Mateus 2:18 ပူးပေါင်းရင်းမြစ်များ

Gênesis 37:30

Uzewyr oho wyky'yr waneko haw pe. Uze'eg wanupe. — Kwàkwàmo nuiko kwaw ywykwar pupe a'e, ma'e azapo putar ihe kury, i'i wanupe.

Gênesis 42:36

Uze'eg Zako wa'yr wanupe kury. — Aipo peraha putar hera'yr paw ihewi wà nehe. Zuze nuiko kwaw xe zanepyr a'e. Ximeàw nuiko kwaw xe a'e no. Pepurueraha wer Mezàmi rehe ihewi no. Pepuraraw kar ma'erahy tetea'u peiko ihewe, i'i wa'yr wanupe.

Jó 14:10

Teko nuiko kwaw ywyra ài wà. Umàno mehe upaw wà. Wekwe imono re, ma'e pe oho putar wà nehe.

Jeremias 31:15

Uze'eg wi Tupàn Tuweharupi Wiko Ma'e kury. — Teko wenu amo ma'e Hama pe har wà. Nuzawy kwaw teko wazai'oahy haw. Hakew wiko a'e uzai'o ma'e romo a'e. Uzai'o umemyr awa wanehe. — Hemurywete kar zo pe nehe, i'i. Ta'e imemyr awa paw umàno wà xe.

Jeremias 4:31

Aenu amo heiheihem mehe ihe. Nuzawy kwaw kuzà imemyr zexak kar ma'e. Heiheihem kuzà umemyr ipy imuzexak kar har ài. Zeruzarez a'e heiheihem ma'e romo hekon a'e. Zawaiw katu ipytuhemaw izupe kury. Upyho opo uze'eg pà. — Àmàno putar kury. Ur waiko hezuka pà wà kury, i'i uzeupe.

Ezequiel 2:10

Urauraw a'e pape kury. Heta ze'eg imuapyk pyrer mokoz pegwer rehe. Heta iaiw ma'e hehe imuapyk pyrer: tahy haw rehe tàhetàhemaw, zemumikahy haw imume'u haw, kuhemaw.

Mateus 2:17

Nezewe a'e ma'e uzeapo Zeremi ze'eg awer kwehe arer rupi katete a'e kury.

Lucas 8:52

A'e pe har paw rupi a'e wà, uzai'o a'e kuzàtài umàno ma'e kwer rehe a'e wà. Heiheihem a'e wà. — Pezai'o zo nehe ty wà, i'i Zezuz wanupe. — Uker e upà a'e, i'i wanupe.

Apocalipse 8:13

A'e re ame'e ywate ihe kury. Na'e aexak wiràhu ywate uwewe ma'e ihe kury. Uze'eg wahyhawa'u a'e. — Az, Az, Az, i'i oho iko uwewe pà. — Heta we na'iruz xi'àm ipy har a'e wà nehe, i'i oho iko. — Ywy rehe har upuraraw putar ma'erahy uhua'u ma'e a'e wà nehe kury, xi'àm ipy re a'e wà nehe kury, i'i oho iko.