Mateus 11:16 - Tupàn zeꞌeg

¹⁶ Teko ko 'ar rehe har a'e wà, nuzawy kwaw kwarearer taw mytepe wapyk ma'e a'e wà (ta'e nukwaw katu kwaw ma'e a'e wà xe). Amo uhapukaz amogwer wanupe uze'eg pà wà.

Mateus 11:16 ပူးပေါင်းရင်းမြစ်များ

Lamentações de Jeremias 2:13

Zeruzarez heremiamutar, ma'e apuner newe imume'u haw rehe. Ma'e azapo putar nemurywete kar pà nehe. Ni amo nupuraraw pixik kwaw ma'erahy nezàwe wà. Iaiw haw nerehe u'ar ma'e uhua'u yryhu ài a'e. Mo upuner nepyro àwàm herur haw rehe.

Mateus 11:15

Aze peapyakwar heta henu haw nehe, pezeapyaka katu nehe.

Mateus 11:17

— Urumuzàg zegar haw zereko haw pe har peme ure. Napepynyk kwaw pe. A'e mehe urumuzàg zegar haw umàno ma'e kwer itymaw pe har peme no. Napezai'o kwaw pe no, (i'i waiko amogwer wanupe wà, uhapukaz pà wà.)

Mateus 12:34

Mozaiw zàwe peiko. Iaiw ma'e romo peiko. A'e rupi napepuner kwaw ikatu ma'e imume'u haw rehe. Aze awa ipy'a tynehem ikatu 'ym ma'e pupe a'e nehe, izuru umuhem kar putar a'e iaiw ma'e a'e nehe.

Mateus 23:36

Azeharomoete ko heze'eg ihe. Tupàn uzepyk putar peipy wanehe nehe. Uzepyk putar penehe nezewegatete a'e nehe no.

Mateus 23:7

Aze teko umuawate katu a'e wà, hurywete a'e parizew wà. — Purumu'e ma'e, aze teko i'i wanupe wà, hurywete parizew wà. Ta'e heko wer ikàg wera'u ma'e romo amogwer wanuwi a'e wà xe.

Mateus 24:34

Pema'enukwaw ko heze'eg rehe nehe. Agwer ma'e paw rupi katete uzeapo putar nehe. Teko ko 'ar rehe wiko ma'e wamàno 'ym mehe nehe, uzeapo putar a'e ma'e a'e nehe.

Marcos 12:38

A'e rupi umu'e wiwi a'e wà. — Pezemupy'a ze'eg kwehe arer rehe upurumu'e ma'e wanehe nehe. Peiko zo wazàwe nehe. Tuweharupi wata oho waiko kwerupi wà, ukamir ipukua'u ma'e imunehew pà wà. Ma'eme'egaw pe oho mehe uze'eg nezewe uzeupe wà. — Kwa aze teko hemuawate katu a'e wà nehe, herurywete putar nehe.

Marcos 4:30

— Amume'u putar amo ae ma'e peme ihe nehe kury, Tupàn hemiruze'eg wanehe ihe nehe kury, i'i Zezuz teko wanupe.

Lucas 11:43

Pe ze'eg kwehe arer kwaw par pe, pezemumikahy nehe, ta'e Tupàn uzepyk putar penehe a'e nehe xe. Zemono'ogaw pe har pemuapyk kar tenaw ikatu wera'u ma'e rehe a'e wà. Ikatuahy nezewe mehe peme. Teko pemuawate katu ma'e me'egaw pe a'e wà no. Penurywete tuwe nezewe mehe no.

Lucas 13:18

Uze'eg wi teko wanupe. — Ma'e nuzawy kwaw Tupàn pureruze'egaw a'e.