Marcos 8:23 - Tupàn zeꞌeg

²³ Upyhyk Zezuz ipo rehe, taw wi heraha pà. Omono weny kwer heha rehe. Opokok hehe. — Aipo erexak katu ma'e kury, i'i izupe, hehe upuranu pà.

Marcos 8:23 ပူးပေါင်းရင်းမြစ်များ

Isaías 44:2

Ihe Tupàn Tuweharupi Wiko Ma'e ihe, aiko peapo arer romo ihe. Apupytywà pezexak kar awer 'ar henataromo ihe. Izaew, heremiruze'eg wà. Pekyze zo nehe, ta'e apuamutar katu ihe xe. Apuexaexak heremiaihu romo ihe.

Isaías 51:18

Heta tetea'u nera'yr wà. Heta tetea'u nera'yragaw wà no. Ni pitài nanepyhyk kwaw nepo rehe wà. Ni pitài nanepytywà kwaw nemuata kar pà wà.

Jeremias 31:32

Kwehe mehe azapokatu heze'egaw waipy wanehe we ihe. Apyhyk wapo rehe ihe wà, Ezit ywy wi wapyro pà ihe wà. Heze'egaw ipyahu ma'e uzawy waipy wanupe heze'eg awer kwehe arer. Aiko wazar romo ihe. Nezewe rehe we uzuhaw a'e ze'egaw herehe we iapo pyrer wà. Ihe Tupàn Tuweharupi Wiko Ma'e aiko ko ma'e imume'u har romo ihe.

Marcos 5:23

— Umàno etea'i herazyr a'e, ima'eahy tuwe a'e, i'i izupe. — Epokok eho hehe nehe. A'e rupi ikatu putar nehe, i'i izupe.

Marcos 7:33

Wenuhem Zezuz a'e ima'eahy ma'e heraha teko wamyter wi kury. Wiko ipyr kury, muitea'i amogwer wanuwi kury. Na'e omono Zezuz ukwà iapyakwar rupi. Uzenymon ukwà rehe. Omono ukwà iapeku rehe.

Marcos 8:24

Ume'e wewer kury. — Aexak teko ihe wà kury, i'i izupe. — Nuzawy kwaw ywyra wata ma'e ihewe wà, i'i izupe.

Marcos 8:26

— Eho neràpuz me nehe kury ty, ezewyr zo eho taw pe nehe ty, i'i izupe.

Atos 23:19

Tuwihaw upyhyk kwàkwàmo ipo rehe heraha pà pepa'i. Amogwer a'e pe har nuenu kwaw waze'eg wà. — Ma'e eremume'u putar ihewe ty, i'i izupe.

Atos 9:8

Upu'àm Xawru ywy wi kury. Hehazawok kury. Nahehàpyhà kwaw kury. A'e rupi hupi wata ma'e opopyhyk heraha wà, imuata kar pà Namaz pe wà.

Hebreus 8:9

A'e ze'eg heremimume'u ràm nehe, uzawy putar heze'eg kwehe arer nehe. Uzawy putar waipy wanupe heremimume'u kwer nehe. A'e 'ar mehe apyhyk waipy wapo rehe ihe wà, Ezit ywy wi wapyro pà waneraha pà ihe wà. Noho kwaw zepe heze'eg rupi wà. Nuweruzar katu kwaw heze'eg wà. A'e rupi nazekaiw katu kwaw wanehe ihe, i'i Zanezar.

Apocalipse 3:18

A'e rupi nezewe a'e peme ihe kury. — Peme'eg kar ita hekuzar katu ma'e or her ma'e ihewi nehe, a'e rupi peiko putar hemetarer katu ma'e romo nehe, a'e peme kury. — Peme'eg kar kamir xigatu ma'e nehe no. A'e rupi pepuner imunehew paw rehe nehe, ta'e naheta kwaw kamir peme xe, ta'e pemaranugar amogwer wanuwa rupi pe xe, a'e peme kury. — Peme'eg kar muhàg nehe no, peneha rehe imono pà nehe no. A'e rupi pepuner ma'erexakaw rehe nehe no, a'e peme kury. (Heremiruze'eg 'ym romo peneko haw rehe aze'eg ihe.)