Marcos 2:19 - Tupàn zeꞌeg

¹⁹ Na'e uze'eg Zezuz wanupe kury. — Kwa, aipo teko numai'u kwaw zereko haw pe a'e wà. Nan kwaw a'e rupi ty wà. Teko paw umai'u zereko haw pe a'e wà, ta'e hurywete a'e wà xe. Aiko xe ihe, ko ywy rehe ihe. Xe hereko haw nuzawy kwaw zereko haw purupe a'e. A'e rupi teko hurywete paw rupi katete a'e wà. A'e rupi umai'u wà.

Marcos 2:19 ပူးပေါင်းရင်းမြစ်များ

Gênesis 29:22

Uzapo Àràmàw mynykawhu izupe izereko haw rehe. Wenoz teko a'e ywy rehe har paw wamuwà wà.

Salmos 45:14

Umunehew kar topoz ipuràg eteahy ma'e izupe wà. Kuzàwaza wà, hemireko ràm imyrypar wà, oho hupi wà, tuwihawete pe heraha mehe wà. Weraha hemireko ràm imyrypar izupe wà no.

Cânticos dos Cânticos 6:8

Tuwihawete romo aiko. Heta ru'u 60 heremireko ihewe wà. Heta ru'u 80 heremirekoagaw ihewe wà no. Heta tetea'u kuzàwaza heremireko romo heko wer ma'e wà.

Mateus 9:15

Uze'eg Zezuz wanupe. — Teko oho zereko haw pe wà. Hemireko ma'e ràm wiko a'e pe wapyr a'e. Aipo uzemumikahy a'e wà, hemireko ma'e ràm ipyr wiko mehe a'e wà. Nan. Hurywete ipyr wiko mehe wà. Amo 'ar mehe hemireko ma'e ràm oho putar wanuwi nehe. A'e 'ar mehe upuner uzekwaku haw rehe wà nehe, uzemumikahy pà wà nehe.

Marcos 2:18

Amo 'ar mehe Zuàw purumuzahazahak ma'e hemimu'e a'e wà kury, uzekwaku umai'u 'ym pà a'e wà kury. Amo ze'eg kwehe arer kwaw par parizew her ma'e a'e wà no, uzekwaku a'e wà no. Na'e ur amo teko Zezuz pe wà, izupe uze'eg pà wà. — Zuàw hemimu'e uzekwaku umai'u 'ym pà a'e wà. Parizew uzekwaku nezewegatete a'e wà no. Màràzàwe tuwe neremimu'e nuzekwaku kwaw umai'u 'ym pà a'e wà, i'i izupe wà, hehe upuranu pà wà.

Marcos 2:20

Amo 'ar mehe nehe, aha putar xe wi wanuwi ihe nehe. A'e 'ar mehe uzekwaku putar umai'u 'ym pà a'e wà nehe. Na'e umume'u amo ae ma'e wanupe no.