Marcos 15:12 - Tupàn zeꞌeg

¹² Na'e Pirat upuranu wi wanehe a'e no. — Ma'e azapo putar kwez awa pe ihe nehe, Zezuz pe ihe nehe, i'i wanupe. — Zutew wanuwihawete, peze izupe, i'i wanupe.

Marcos 15:12 ပူးပေါင်းရင်းမြစ်များ

Zacarias 9:9

Penurywete nehe, teko Xiàw rehe har wà. Zeruzarez pe har wà, pezegar penurywete haw rehe nehe. Ta'e penuwihawete uhem wà iko kury xe. Ukàgaw rupi tur iko. Weityk wàmàtyry'ymar wà. Nuiko wera'u kwaw a'e. Zumen iku'az ur iko. Zumeta'i zumen imemyr iku'az tur iko.

Mateus 21:5

Pemume'u tuwihaw tur haw peho nehe, Xiàw tawhu pe har wanupe nehe. Tàrityka'i uhem putar penuwihaw wà a'e nehe kury, pepyr a'e nehe kury. Wata iko zumen ku'az a'e. Zumen imemyr ku'az wapyk pà a'e.

Marcos 15:11

Na'e tuwihaw uze'eg teko wanupe wà kury. — Penoz ma'e Pirat pe nehe ty wà, i'i wanupe wà. — Emuhem kar Hapa ta'yr urewe nehe ty, peze izupe nehe, i'i wanupe. (Na'e uze'eg teko oho nezewe izupe a'e wà kury, tuwihaw waze'eg heruzar kar pà a'e wà kury.)

Marcos 15:13

Na'e teko uhapukaz uze'eg pà izupe wà kury. — Ezuka kar nehe ty, ywyra kanetar rehe nehe ty, i'i izupe wà.

Lucas 23:2

Uzypyrog hemiapo kwer imume'u pà huwa rupi wà kury. — Urenu tuwe teko wanupe hemu'em mehe ure, i'i mua'u izupe wà. — Pemono zo temetarer zutew 'ym wanuwihaw pe nehe, i'i teko wanupe, i'i mua'u izupe wà. — Aiko Tupàn hemimur karer romo ihe, aiko Tuwihawete romo ihe, i'i wanupe no, i'i mua'u izupe wà.

Atos 5:31

— Ikweraw ire Tupàn umuzeupir kar ywate a'e, Tuwihawete romo imuigo kar pà a'e, Purupyro Ma'e romo imuigo kar pà a'e no. A'e rupi aze Izaew izuapyapyr upytu'u ikatu 'ym ma'e iapo re wà nehe, (aze uzeruzar hehe wà nehe), Tupàn umunàn putar wanemiapo kwer ikatu 'ym ma'e wanuwi nehe, heharaz putar wanemiapo kwer wi nehe. Nuzepyk kwaw wanehe nehe, i'i wanupe wà.