Marcos 11:8 - Tupàn zeꞌeg

⁸ Amo teko upupirar ukamir iho àwàm rupi pe rupi izupe wà. Amo ae teko omonohok ka'a ruwer oho kukwer pe wà, herur pà imono pà pe rupi wà, iho àwàm rupi wà.

Marcos 11:8 ပူးပေါင်းရင်းမြစ်များ

2 Reis 9:13

A'e 'ar mehe we upupirar àmàn wi upurumimaw ma'epirer iapo pyrer wà kury, pyropyrogaw rehe Zeu iata àwàm rehe wà kury. Upy uxi'àm wà. Uhapukaz wà. — Zeu wiko tuwihawete romo a'e kury, i'i teko wanupe wà.

Levítico 23:40

'Ar ipy mehe teko opo'o putar ma'e'a ma'ywa'yw ikatu wera'u ma'e wi wà nehe. Omonohok putar inàzàràn 'yw huwer wà nehe no. Omonohok putar ywyra huwer tetea'u hereko har hàkà wà nehe no. Na'e paw rupi uzapo putar mynykawhu Tuweharupi Wiko Ma'e romo pezar imuwete pà wà nehe.

Mateus 21:8

Teko tetea'u upupirar ukamir pe rupi a'e wà, iho àwàm rupi izupe a'e wà. Amo teko omonohok ka'a huwer oho a'e wà no, imono pà pe rupi iho àwàm rupi a'e wà no.

Marcos 11:7

Werur Zezuz pe wà. Hemimu'e wenuhem ukamir uzewi wà, imono pà ikupe pe wà, Zezuz iapyk àwàm romo wà. Wapyk iku'az kury.

Marcos 11:9

Teko Zezuz renataromo har a'e wà kury, hakykwepe har a'e wà no, uze'eg izupe uhapukaz pà paw rupi a'e wà. — Tupàn ikatuahy a'e (Ozàn, i'i uze'eg rupi wà). Zezuz ur Zanezar ikàgaw herur pà a'e, a'e rupi ikatuahy a'e.