Marcos 10:41 - Tupàn zeꞌeg

⁴¹ Na'e inugwer 10 hemimono karer a'e wà kury, wikwahy Zuàw pe Xiak pe a'e wà kury.

Marcos 10:41 ပူးပေါင်းရင်းမြစ်များ

Provérbios 13:10

Teko heko wera'u haw werur zeàmàtyry'ymaw. Pureruze'egaw henoz taw ikatu wera'u a'e.

Mateus 20:24

Ure amogwer 10 hemimu'e ure, urenu waneminozgwer ure. Uruikwahy henu mehe. — Peneko wera'u wer urewi, uru'e wanupe.

Marcos 10:42

Zezuz wenoz wamuwà uze'eg pà wanupe kury. — Pekwaw ko ma'e pe. Aze amo zutew 'ym wiko tuwihaw romo a'e, weruze'egahy uzeupe uma'ereko ma'e a'e wà, wamuma'erekoahy kar pà a'e wà. Pureruze'eg ma'e ikàg ma'e a'e wà no, upureruze'egahy tuwe tuweharupi a'e wà no.

Lucas 22:24

Na'e hemimu'e uze'eg ahyahy uzeupeupe wà kury. — Ihe aiko putar peneruze'egar romo ihe nehe, ta'e hekatu wera'u Zezuz pe ihe xe, pewi ihe xe, i'i amo. — Nan kwaw pa, ihe aiko putar peneruze'egar romo ihe nehe, ta'e hekatu wera'u Zezuz pe ihe xe, pewi ihe xe, i'i amo, amogwer wanupe a'e no. Nezewegatete i'i amogwer a'e wà no.

Lucas 22:25

Na'e uze'eg Zezuz wanupe a'e kury. — Tuwihaw ko ywy rehe har a'e wà, ikàg tuwe a'e wà. Weruze'eg tuwe wemiruze'eg waiko wà. — Teko wamyrypar, i'i teko uwihaw wanupe wà.

Romanos 12:10

Pezeamutamutar katu nehe. Pezeruze'egatu pezehezehe nehe no.

Filipenses 2:3

Pezapo zo ma'e penemimutar rupi nehe. Peze'eg zo nezewe nehe, — O, azapo putar ikatuahy ma'e ihe nehe no, a'e rupi amogwer uze'egatu putar herehe a'e wà nehe no, peze zo pezeupe nehe. Peiko wera'u zo amogwer wanuwi nehe. — O, aiko wera'u amogwer wanuwi ihe, peze zo amo pe nehe.

Tiago 4:5

— Tupàn umur kar Wekwe zanepy'a pe a'e. Aze xiruzar Hekwe nehe, nazanerewyrowyroahy kwaw amo wanehe nehe. Naxiputar kwaw wama'e zanezeupe nehe, i'i ze'eg kwehe arer. Pezekaiw katu a'e ze'eg rehe nehe.