Marcos 1:3 - Tupàn zeꞌeg

³ Amo awa uze'eg putar oho iko wahyhawa'u ywyxiguhu rehe a'e nehe. — Pemukatu Zanezar hape ràm izupe nehe, i'i putar purupe nehe. — Aze iapar hape ràm nehe, pemuà'ygatu izupe nehe, i'i putar wanupe nehe.

Marcos 1:3 ပူးပေါင်းရင်းမြစ်များ

Mateus 3:1

A'e 'ar mehe Zuàw purumuzahazahak ma'e wata oho tàpuz heta 'ymaw pe a'e kury, Zutez ywy rehe a'e kury. Uzypyrog Tupàn ze'eg imume'u pà a'e.

Mateus 3:3

Amo Tupàn ze'eg imume'u har kwehe arer a'e, Izai her ma'e a'e, umume'u Zuàw tur àwàm teko wanupe a'e, Tupàn ze'eg imuapyk pà pape rehe a'e. Na'aw ize'eg awer xe a'e kury. Amo awa uhapukaz putar oho iko Teko heta 'ymaw pe, ywyxig heta haw pe a'e nehe, — Pemukatu Zanezar hape ràm izupe nehe, i'i putar oho iko purupe nehe, — Aze iapar hape ràm nehe, pemu'àgatu nehe, I'i putar oho iko purupe nehe.

Lucas 3:2

Ana a'e, Kaipa a'e no, xaxeto wanuwihaw romo wanekon Zeruzarez tawhu pe a'e wà, a'e 'ar mehe a'e wà. A'e 'ar rehe Tupàn uze'eg Zuàw Zakari ta'yr pe a'e, tàpuz heta 'ymaw pe heko mehe a'e.

João 1:15

Zuàw (purumuzahazahak ma'e) a'e, umume'u Tupàn ta'yr romo heko haw oho iko purupe a'e. Nezewe i'i wanupe a'e. — Aikwez a'e awa a'e kury, peme heremimume'u kwer a'e kury. — Ur putar amo ae heraikweromo a'e nehe, a'e peme ihe. Ikàg wera'u tuwe ihewi a'e, ta'e hezexak kar 'ym mehe we wikuwe Tupàn zaneru ipyr a'e xe, a'e peme ihe.