Malaquias 3:2 - Tupàn zeꞌeg

² Ihemaw 'ar mehe mo upuner putar umàno 'ymaw rehe wà nehe. Mo ikàg putar izexak kar mehe wà nehe. Ta'e nuzawy kwaw tata nehe xe, tata zanemukatu àràm nehe xe. Nuzawy kwaw zàmàw zanemuzahak àwàm nehe no.

Malaquias 3:2 ပူးပေါင်းရင်းမြစ်များ

Gênesis 19:28

Ume'e Xotom kutyr, Komor kutyr, ywyàpyznaw kutyr. Tàtàxiner uzeupir ywy wi, tàtàxiner tatahu wi uhem ma'e ài.

Jó 28:1

Teko uhàwykàz amo ywy rehe parat henuhem pà wà. Teko umupyràn itazu or ikatu 'ymaw henuhem pà izuwi wà.

Salmos 130:3

Aze eremuapyk ureremiapo kwer ikatu 'ym ma'e pape rehe, Mo upuner nezepyk àwàm wi uhemaw rehe wà nehe.

Salmos 2:7

Uze'eg a'e tuwihawete kury. — Amume'u putar Tupàn Tuweharupi Wiko Ma'e hemimume'u kwer ihe nehe. Nezewe i'i Tupàn Tuweharupi Wiko Ma'e ihewe. — Ereiko hera'yr romo ne. Kutàri aiko neru romo ihe.

Salmos 76:7

Teko upaw rupi katete ukyze newi wà. Ni amo nupuner kwaw nerenataromo weko haw rehe nekwahy mehe wà.

Provérbios 25:4

Emupyràn itaxig parat tykwer henuhem pà izuwi nehe, imukatu pà nehe. A'e mehe ma'e hagapaw iapo har upuner putar ipuràgeteahy ma'e iapo haw rehe nehe.

Isaías 1:18

Nezewe uze'eg Tupàn Tuweharupi Wiko Ma'e. — Pezur xe nehe. Zaze'eg putar zanezeupeupe ko ma'e rehe nehe. Penemiapo kwer ikatu 'ym ma'e nuzawy kwaw pemupinipinimaw ipiràg ma'e. Zawaiw katu imuhem kar haw. Ipiràg ipihun wewer a'e. Nezewe rehe we ihe apumukatu putar uzahak ma'e ài ihe nehe. Pekatu haw nuzawy kwaw amanezu ixigatu haw nehe. Pekatu haw nuzawy kwaw àràpuhàràn hawitu ma'e hawer ipuez re nehe.

Isaías 33:14

Xiàw rehe ikatu 'ym ma'e iapo har uryryryryz ukyze haw rehe wà. Ukyze tete wera'u mehe upuranu wà. — Mo upuner a'e tata purapy ma'e huwake weko haw rehe wà. Mo upuner tata ikaz re upytu'u 'ym ma'e huwake weko haw rehe wà, i'i wà.

Isaías 4:4

Zanezar umume'u putar Xiàw rehe har wanemiapo kwer ikatu 'ym ma'e a'e nehe. Uzepyk putar wanehe nehe. Umukatu putar tawhu paw nehe. Umuhem kar putar iaiw paw a'e wi upaw rupi nehe. Umuhem kar putar puruzuka ma'e paw a'e wi wà nehe no.

Jeremias 2:22

Aze mo pezuhez katu zamaw tetea'u pupe, zamaw katu wera'u ma'e pupe, apuner penemiapo kwer ikatu 'ym ma'e izipiw haw zàwenugar hexakaw rehe a'e re no. Ihe Tupàn Tuweharupi Wiko Ma'e aze'eg teko ihe.

Ezequiel 22:14

Penehe hezepyk ire aipo pekàg wiwi putar nehe. Aipo pepuner pepo hupir haw rehe a'e 'ar mehe nehe. Ihe Tupàn Tuweharupi Wiko Ma'e aze'eg teko ihe. Azapo heremimume'u kwer ihe.

Daniel 11:35

Uzuka putar amo purumu'e ma'e ma'e kwaw katu har wà nehe. Nezewe izeapo haw umukatu putar Tupàn hemiaihu wà nehe. Ikatu wera'u putar henataromo wà nehe. Agwer ma'e uzeapo putar oho iko te iahykaw rehe nehe. Tupàn wexaexak iahykaw 'ar a'e.

Joel 2:11

Tupàn Tuweharupi Wiko Ma'e uze'egahy wahyhaw rupi wemiruze'eg zauxiapekwer wanupe kury. Umume'u katu wanemiapo ràm wanupe. Heta tetea'u zauxiapekwer wà. Nukyze kwaw ma'e wi wà. Iaiw tuwe Tupàn Tuweharupi Wiko Ma'e i'ar a'e. Ni amo nupuner kwaw hehe wà nehe.

Naum 1:6

Tupàn Tuweharupi Wiko Ma'e ikwahy mehe, ni amo nupuner kwaw upu'àmaw rehe wà. Mo upuner ikwahy haw ipuraraw paw rehe wà. Ikwahy haw uwyryk oho iko tata yrykawhu romo uzeapo ma'e kwer ài. Henataromo itahu uzekazeka wà.

Zacarias 13:9

Amuata kar putar a'e umàno 'ym ma'e kwer tata pupe ihe wà nehe. Amukatu putar ihe wà nehe. Teko umukatu itaxig parat tata pupe wà. Umupyràn itazu or tata pupe wà no. Nezewegatete amukatu putar a'e wikuwe wiwi ma'e ihe wà nehe. Na'e uze'eg putar ihewe wà nehe. Aenu putar waze'eg nehe. — Peiko heremiaihu romo, a'e putar wanupe nehe. — Tupàn Tuweharupi Wiko Ma'e wiko urezar romo a'e, i'i putar ihewe wà nehe.

Malaquias 4:1

Uze'eg wi Tupàn Ikàg Wera'u Ma'e kury. — Uhem putar amo 'ar nehe. A'e 'ar mehe wiko wera'u ma'e paw a'e wà nehe, ikatu 'ym ma'e paw a'e wà nehe no, ukaz putar ka'akyr tata pupe ukaz paw ma'e ài a'e wà nehe. Ukaz putar a'e 'ar mehe wà nehe. Upaw putar wà nehe.

Mateus 25:10

A'e rupi ma'e kwaw 'ymar oho ime'eg kar pà wà. Waho re awa uhem wà a'e kury. A'e 5 ma'e kwaw par wixe oho mai'u haw pe wà, hemireko ma'e ràm hupi wà. Tàpuz zar uwàpytym uken a'e kury.

Marcos 9:3

Ikamir henyenyahy kury, xigatu no. Nupuner kwaw teko kamir iputuka haw rehe nezewe wà, nupuner kwaw imuxigatu haw rehe nezewe wà.

Lucas 2:34

Ximeàw umume'u Tupàn hemiapo ràm ikatuahy ma'e ihy pe kury, tu pe no. Uze'eg Mari pe kury. Tupàn wexak nememyr kwez a'e, amo Izaew izuapyapyr wapyro har romo imuigo kar pà a'e, amo ae Izaew izuapyapyr wanehe uzepyk ma'e romo imuigo kar pà a'e, i'i wanupe. — Tupàn wexak kar putar ukatu haw nehe, Zezuz hexak kar mehe teko wanupe nehe. Teko tetea'u uze'eg zemueteahy putar hehe a'e wà nehe.

Lucas 21:36

Peàrogatu a'e 'ar nehe. Peze'eg Tupàn pe tuweharupi nehe. A'e mehe umur putar ukàgaw peme a'e nehe. A'e mehe napepuraraw kwaw ma'erahy a'e 'ar mehe nehe. Aze peruzar ko heze'eg nehe, pepu'àm putar peho heruwa rupi nehe, amo 'ar mehe nehe. Aiko Awa ta'yr romo ihe.

Lucas 3:17

Yrypemutu opo pe hereko har umuwewe aroz iapirer heityk pà izuwi a'e kury. Omono'og aroz hyru pupe. Wapy iapirer tata pupe. Heraikweromo ur ma'e ràm nuzawy kwaw yrypemutu hereko har a'e. Uzeruzar ma'e a'e wà, aroz ài wanekon a'e wà. Omono kar putar Tupàn pyr a'e wà nehe. Uzeruzar 'ym ma'e a'e wà, iapirer ài wanekon a'e wà. Heraikweromo ur ma'e ràm weityk putar tatahu uwew 'ym ma'e pe a'e wà nehe.

Lucas 3:9

Itazy ma'ywa 'yw hapo huwake tuz a'e kury. Izar uhaw putar ma'ywa 'yw heityk pà a'e nehe. Aze ma'ywa 'yw na'i'a kwaw nehe, aze i'a kwer na'ikatu kwaw nehe, uhaw putar tata pupe heityk pà nehe, i'i Zuàw teko wanupe. (Ikatu 'ym ma'e iapo har wanehe uzeruzar 'ym ma'e wanehe uze'eg a'e.) Nezewegatete Tupàn uzepyk putar uze'eg heruzar 'ymar wanehe a'e wà nehe.

Lucas 7:23

Aze teko uzeruzar katu herehe wà nehe, hurywete putar wà nehe, i'i wanupe.

João 8:55

Napekwaw pixik kwaw pe. Ihe akwaw ihe. — Nakwaw kwaw ihe, aze mo a'e peme, hemu'em ma'e romo mo aiko ihe, pezàwe ihe. Nan kwaw pa. Akwaw katu tuwe ihe. Aruzar tuwe ize'eg.

Hebreus 12:25

Pezekaiw katu Tupàn ze'eg imume'u har wanehe nehe. — Nuruzeapyaka kwaw nerehe nehe, peze zo izupe nehe. Amo teko kwehe arer a'e wà, nuzeapyaka kwaw Tupàn ze'eg imume'u har ywy rehe har rehe a'e wà. Tupàn uzepyk wanehe. Ko 'ar rehe Tupàn ywate har uze'eg iko purupe kury. Aze teko nuzekaiw kwaw hehe wà nehe, Tupàn uzepyk putar tuwe wanehe nehe no.

Apocalipse 19:8

— Amo omono pàn xigatu ma'e kuzà pe a'e, imunehew kar pà izupe a'e, i'i ihewe wà. (Tupàn hemiruze'eg wanemiapo kwer ikatuahy ma'e a'e, nuzawy kwaw pàn xigatu ma'e a'e.)

Apocalipse 2:23

Azuka putar a'e kuzà hemiruze'eg ihe wà nehe no. A'e rupi uzeruzar ma'e paw ukwaw putar hekàgaw a'e wà nehe. Amekuzar putar penemiapo kwer paw rupi ihe nehe. Ta'e akwaw teko wama'enukwaw paw ihe xe. Akwaw wanemiapo putar haw ihe no xe.

Apocalipse 6:17

— Ta'e Tupàn 'ar uhem kwez kury xe, ta'e urerehe izepykaw uhem kwez kury xe, i'i wanupe wà. — Mo upuner a'e ma'erahy ipuraraw paw rehe a'e wà nehe, i'i wanupe wà.

Apocalipse 7:14

— Heruwà, a'e izupe. — Nakwaw kwaw ihe, a'e izupe. — Ne ty, aipo erekwaw ne ty, a'e izupe. — A'e teko a'e wà. Ma'erahy kwer uhua'u ma'e ipuraraw paw pe har romo wanekon a'e wà, i'i ihewe. Teko uputuka ukamir 'y pupe wà, xigatu ma'e romo iapo pà wà. Àràpuhàràna'yr huwykwer a'e, nuzawy kwaw 'y purupe a'e. Ta'e uhez ikatu 'ym ma'e puruwi a'e xe.

1 Samuel 6:20

Na'e Mete-Xemez pe har uze'eg uzeupeupe wà kury. — Mo upuner ko Tupàn ikatu wera'u ma'e henataromo wiko haw rehe wà nehe. Ma'e pe ximono kar putar ize'eg hyru nehe. Ta'e xiputar muite xe wi hen àwàm zanewi nehe xe, i'i uzeupeupe wà.