Lucas 6:48 - Tupàn zeꞌeg

⁴⁸ aze weruzar heze'eg a'e wà nehe, awa wàpuzapo har kwehe arer ài wanekon putar a'e wà nehe. A'e awa uzapo wàpuz itahu 'aromo a'e. Na'e ukyr tuwe àmàn tetea'u. Tyhu yrykaw. Ywytuaiw oho hàpuz kutyr. Nu'ar kwaw, ta'e a'e awa uzapo wàpuz itahu 'aromo a'e xe. (Nezewegatete heze'eg heruzar har a'e wà nehe, noho kwaw tatahu pe a'e wà nehe.)

Lucas 6:48 ပူးပေါင်းရင်းမြစ်များ

2 Samuel 22:2

— Tupàn Tuweharupi Wiko Ma'e wiko hepyro har romo. Nuzawy kwaw tàpuzuhu ita iapo pyrer ihewe.

2 Samuel 22:32

Tupàn Tuweharupi Wiko Ma'e a'e zutyka'i wiko Zanezar romo. A'e zutyka'i zanepyro ikatu 'ymaw wi.

2 Samuel 22:47

Tuwe Tupàn Tuweharupi Wiko Ma'e wiko teko paw wazar romo nehe. Pemume'u hepyro har ikatu haw nehe. Tupàn wiko hepyro har romo a'e. Pemume'u ikàgaw uhua'u haw nehe.

2 Samuel 22:5

Hemàno àwàm umàmàn heywyr 'ykotokaw ài. Hezuka àwàm uhem he'aromo 'ykotokaw ài.

2 Samuel 23:3

Tupàn Izaew wazar uze'eg. Izaew wanehe uzekaiw ma'e uze'eg ihewe. Tuwihawete katu haw rupi pureruze'eg ma'e a'e, Tupàn hemimutar iapo pà pureruze'eg mehe a'e,

Salmos 32:6

Nezewe mehe, tuwe neamutar katu har paw uze'eg newe wà nehe, Ma'erahy ipuraraw mehe wà nehe. Nezewe mehe, ma'erahyhu ykotok ài tur mehe nehe, Nuhem kwaw a'e teko wanupe nehe.

Salmos 62:2

Xo a'e zo wiko itahu hemimar ài a'e. Xo a'e zo hepyro. Hemim heàmàtyry'ymar wanuwi. Nahereityk pixik kwaw heàmàtyry'ymar wà nehe.

Salmos 95:1

Pezur pe paw rupi ty wà. Ximume'u Tupàn Tuweharupi Wiko Ma'e ikatu haw nehe. Zazegar zanerurywete haw rupi Tupàn itahu zanemimar zàwenugar pe nehe. Zanepyro a'e.

Provérbios 10:25

Ur ywytuaiw àmàn inuromo har zàwenugar a'e, ikatu 'ym ma'e imumaw pà a'e. Imunar 'ym ma'e waneko haw ikatu wi wi oho iko.

Isaías 26:4

Ezeruzar Tupàn Tuweharupi Wiko Ma'e rehe tuweharupi nehe ta'e wiko putar zanemimaw romo tuweharupi a'e nehe xe.

Isaías 28:16

A'e rupi Tupàn Tuweharupi Wiko Ma'e Zanezar uze'eg nezewe kury. — Amuapyk amo ita hereko Xiàw rehe ihe kury. Ita hekuzar katu ma'e a'e. Aexaexak a'e ita ihe. A'e ita upyta putar amo ita heràpuzuhu wy pe har iahykaw rehe a'e nehe, imuàtà katu pà a'e nehe. Amuapyk ko ze'eg hehe. — Tupàn rehe uzeruzar ma'e nukyze kwaw wà, i'i ze'eg ita rehe har.

Isaías 59:19

Teko ywy nànànar wà nehe, kwarahy hemaw kutyr har wà nehe, kwarahy heixe haw kutyr har wà nehe no, ukyze putar Tupàn Tuweharupi Wiko Ma'e wi wà nehe, ipuner haw wi wà nehe no. Ta'e ur putar 'y tyhu uwyrykahy ma'e ài nehe xe. Nuzawy kwaw ykotok ywytuaiw hemiraha nehe.

Naum 1:8

'Y tyhu haw weraha ma'e paw wenataromo. Nezewegatete Tupàn umumaw wàmàtyry'ymar wà no. Amo ipurumumaw wer Tupàn rehe wà. Tupàn omono kar a'e teko umàno ma'e kwer wanenaw pe wà. Omono kar wàmàtyry'ymar umàno ma'e kwer waneko haw pe wà.

Lucas 6:47

Ihewe ur ma'e a'e wà nehe, heze'eg henu har a'e wà nehe,

Lucas 6:49

Heze'eg henu har a'e wà, aze nuweruzar kwaw a'e wà nehe, ma'e kwaw 'ymar ài wàpuzapo har kwehe arer ài wanekon putar a'e wà nehe. A'e awa uzapo wàpuz ywyxig 'aromo a'e. Ukyr tuwe àmàn tetea'u. Tyhu yrykaw. Ywytuaiw oho hàpuz kutyr kury, heityk pà kury. U'ar tuwe. Wànoànog u'ar mehe, ta'e uhua'u a'e xe. (Nezewegatete heze'eg heruzar 'ymar oho putar tatahu pe a'e wà nehe.)

João 16:33

Teko heremiruze'eg 'ym upuraraw kar putar ma'erahy peme a'e wà nehe. Hekàg wera'u a'e teko wanuwi ihe. Amono kar putar a'e teko tatahu pe ihe wà nehe. A'e rupi pekyze zo wanuwi nehe. Amume'u agwer ma'e kwez peme ihe kury. A'e rupi napekyze kwaw tuwihaw wanuwi nehe. Penurywete putar nehe.

Atos 14:22

Umu'e uzeruzar ma'e a'e pe har wà, Tupàn ze'eg rehe wà. A'e rupi ukwaw wera'u ize'eg wà kury. A'e rupi uzeruzar wera'u Zezuz rehe wà no. -Pepytu'u zo Zezuz rehe pezeruzar ire nehe, i'i wanupe wà. — Xipuraraw putar ma'erahy tetea'u zane nehe, a'e mehe zapuner putar Tupàn ipureruze'egaw pupe zanereixe haw rehe zane nehe.

Efésios 2:20

Tupàn hemiruze'eg a'e wà, tàpuz ài wanekon a'e wà, ta'e Tupàn wiko wainuromo a'e xe. Ta'e wiko wapy'a pe xe. Tupàn ze'eg imume'u har a'e wà, Zezuz hemimono karer a'e wà no, tàpuz ywyra ài wanekon a'e wà. Zaneruwihawete a'e no, ita tàpuz iwy pe har ài hekon a'e no. Zane tàpuz iàrukàg ài zaiko zane. Tàpuz 'aromo har ài zaiko no. Zatyryk ikatu 'ym ma'e wi zane, zazemonokatu pà Tupàn pe zane. Nezewe mehe hàpuz ikatu putar izupe nehe.

Deuteronômio 32:15

Teko Tupàn hemixak kwer wiko hemetarer katu ma'e romo wà. Nezewe rehe we uzàmàtyry'ym Tupàn wà. Hemetarer katu wà. Waneko haw ikatu. Hurywete wà no. Nezewe rehe we weityk wapo arer Tupàn wà. Upuir uzehe uzekaiw ma'e omonokatu har wi wà. Weityk upyro har wà.

Deuteronômio 32:18

Heharaz omonokatu har wi wà. Weityk u wà. Upuir wapo arer wi wà.

Deuteronômio 32:31

Zaneàmàtyry'ymar wazar tupàn wà, na'ikàg kwaw Tupàn Zanezar zàwe wà. Te zaneàmàtyry'ymar umume'u ikàg wera'u haw wà.

2 Timóteo 2:19

Nan kwaw pa, aze uzeruzar ma'e ukwaw Tupàn ze'eg azeharomoete har a'e wà nehe, a'e mehe nuzekaiw kwaw agwer upurumu'e mua'u ma'e waze'eg rehe a'e wà nehe. Zanezar ukwaw katu wemiruze'eg a'e wà. Aze awa uze'eg nezewe nehe, — Tupàn hezar romo hekon a'e, aze i'i izupe nehe, a'e mehe upytu'u putar ikatu 'ym ma'e iapo re nehe.

2 Pedro 1:10

Pekar tuwe pekàg wera'u haw pezeruzar haw rehe nehe. Ta'e Tupàn penenoz izypy mehe a'e xe. Ta'e penexanexak a'e no xe. Aze nezewe pezapo nehe, napepytu'u kwaw pezeruzar ire nehe.

1 João 2:28

Azeharomoete ko heze'eg ihe, hepurumuzàmuzàg wà. Zaneruwihawete ur putar nehe. Peiko hemiruze'eg romo nehe. A'e rupi teko wanuwa rupi uzexak kar mehe nehe, nazakyze kwaw izuwi zane nehe. Zanekàg putar nehe. Nazazeàmim kwaw izuwi a'e 'ar mehe nehe, tur mehe nehe, ta'e nazanemaranugar kwaw izuwi zane nehe xe, huwa rupi zane nehe xe.

Judas 1:24

Tupàn zanepyro har a'e, umur ukàgaw peme tuweharupi a'e, a'e rupi napezapo kwaw ikatu 'ym ma'e. Penerur putar uwa rupi a'e nehe, ikatu 'ym ma'e iapo 'ymar romo pemuigo kar pà a'e nehe. Pemurywete kar putar a'e 'ar mehe nehe. Ikàg tuwe a'e, ipuràg eteahy no.

1 Samuel 2:2

Ni amo na'ikatu kwaw Tupàn Tuweharupi Wiko Ma'e zàwe a'e wà. Naheta kwaw amo Tupàn. Xo a'e zo. Naheta kwaw amo purehe uzekaiw ma'e Zanezar zàwe a'e wà.