Lucas 4:19 - Tupàn zeꞌeg

¹⁹ — Amo 'ar mehe apyro putar teko ihe wà nehe. Emume'u wapyro haw eho nehe, i'i ihewe, i'i Zezuz a'e pape imugeta pà a'e.

Lucas 4:19 ပူးပေါင်းရင်းမြစ်များ

Isaías 42:1

Tupàn Tuweharupi Wiko Ma'e uze'eg kury. — Nako heremiruze'eg a'e. Amukàg tuweharupi ihe. Heremixak kwer romo hekon. Umurywete kar tuwe hepy'a a'e. Amono herekwe hehe ihe. Umume'u putar heremimutar teko ywy nànànar wanupe nehe.

Isaías 61:2

— Emume'u ko heze'eg eho purupe nehe, i'i ihewe. — Uhem he'ar kwez kury. Ihe Tupàn Tuweharupi Wiko Ma'e apyro putar heremiaihu ihe wà nehe kury. Ihe wazar ihe, azepyk putar waàmàtyry'ymar wanehe ihe nehe no, ere wanupe nehe, i'i ihewe. — Emurywete kar uzai'o ma'e ne wà nehe.

Isaías 63:4

— Heàmàtyry'ymar wanehe hezepykaw 'ar uhem kwez kury, a'e hezeupe. — Heremiaihu wapyro haw 'ar uhem kwez kury no, a'e hezeupe.

Números 36:4

Kwarahy purumuhem kar haw ihem mehe nehe, waiwy oho putar wamen waànàm wapo pe azeharomoete nehe. Nuruiko kwaw izar romo nehe, i'i izupe wà.

Lucas 19:42

— A, Zeruzarez, aze mo pekwaw ikatu haw ipyhykaw kutàri, ikatu mo peme. Napexak kwaw a'e ma'e pe kury.

2 Coríntios 6:1

Uruma'ereko uruiko Tupàn inuromo ure. A'e rupi urenoz ma'e peme kury. Tupàn pepuhareko katu a'e. Peityk zo ikatu haw nehe. Pezewyr zo ikatu 'ym ma'e pe nehe.