Lucas 22:63 - Tupàn zeꞌeg

⁶³ Zauxiapekwer Zezuz pyhykar a'e wà, uze'eg uryw ahyahy hehe a'e wà, hehe ukwaukwar pà a'e wà.

Lucas 22:63 ပူးပေါင်းရင်းမြစ်များ

Salmos 22:13

Zàwàruhu iriàw ài uzurupeka wà. Okororo hekutyr opor pà wà.

Salmos 35:25

Emuze'eg kar zo nezewe ne wà nehe. — Ximumaw zane. Nezewe haw xiputar zane, i'i wer wà. Tuwe ni'i kwaw nezewe wà nehe.

Isaías 49:7

Tupàn Tuweharupi Wiko Ma'e a'e, Izaew wazar Ikatuahy Ma'e a'e, wapyro har a'e, uze'eg wemiruze'eg pe a'e kury. Teko amo ywy rehe har tetea'u na'iakatuwawahy kwaw hemiruze'eg rehe wà. Tuwihawete wanupe uma'ereko e ma'e romo hekon a'e. Tupàn Tuweharupi Wiko Ma'e uze'eg wemiruze'eg pe. — Tuwihawete a'e wà nehe, tuwihawete wana'yr a'e wà nehe no, wexak putar nepuner haw a'e wà nehe. Ur putar nepy huwake wapyk pà upenàràg rehe wà nehe, nemuawate haw hexak kar pà newe wà nehe. Ta'e ihe Tupàn Tuweharupi Wiko Ma'e ihe azapo ma'e heremimume'u kwer rupi katete ihe xe. Ihe Izaew wazar Ikatuahy Ma'e ihe, urexak heremiruze'eg romo nemuigo kar pà ihe, i'i Tupàn.

Isaías 52:14

Teko tetea'u uze'eg nezewe hexak mehe wà. — upuraraw ma'erahy tetea'u a'e, i'i izupe wà, ta'e hexakaw amo ae romo uzeapo a'e xe. — Aipo awa romo hekon tuwe a'e, i'i izupe uzehe upuranu pà wà.

Isaías 53:3

Ikàg 'ym ma'e romo hekon purupe. Nuputar kwaw uwihaw romo wà. Upuraraw ma'eahy haw a'e. Upuraraw ma'erahy a'e no. Nazanepurexak wer kwaw awa iro ma'e rehe. Nazame'e kwaw hehe. Iro zanewe a'e.

Miquéias 5:1

Teko Zeruzarez pe har wà. Pezemuàgà'ym peàmàtyry'ymar wanuwi pezepyro pà nehe. Ta'e zauxiapekwer peàmàtyry'ymar umàmàn waiko taw iwyr wà xe. Ipuruzuka wer Izaew wanuwihawete rehe wà.

Lucas 22:62

Na'e Pet uhem oho a'e wi kury. Uzai'o tuwe a'e. Uzemumikahy tuwe a'e.

João 18:19

Xaxeto wanuwihaw upuranu Zezuz rehe a'e kury. — Ma'e rehe erepurumu'e ne, i'i izupe. — Mo neremimu'e romo wanekon a'e wà, i'i izupe.

João 18:22

Na'ikatu kwaw Zezuz ze'eg amo zauxiapekwer pe a'e. A'e rupi a'e zauxiapekwer ukwar Zezuz huwa pe a'e kury. — Emuawate katu ko tuwihaw ty, i'i Zezuz pe. — Eze'eg zo nezewe izupe ty, i'i izupe.

Hebreus 12:2

Ximonokatu zanereha xo Zezuz rehe zo nehe. Nezewegatete zanema'enukwaw katu Zezuz rehe no, ta'e zanepyro a'e xe. — Pezeruzar herehe nehe, i'i Zezuz zanewe izypy mehe. — Pezeruzar herehe te iahykaw rehe nehe, i'i zanewe. Zanemuzeruzar kar har ipy romo hekon a'e, iahykaw rehe har romo hekon a'e no. Naheta kwaw amo. Umàno ywyra kanetar rehe. — Nazemono kwaw hezezuka kar pà ywyra kanetar rehe nehe, ni'i pixik kwaw Tupàn pe. Nan. — Hekweraw ire herurywete putar ihe nehe, i'i izupe. A'e rupi nuzekaiw kwaw teko waze'eg rehe. Imaranugar izuwi wà. Nuzekaiw kwaw wanehe. Uzemono uzezuka kar pà ywyra kanetar rehe. Wapyk in Tupàn henaw iawyze har rehe har rehe kury. Tuwihaw romo hekon ipyr kury.

1 Pedro 2:23

Tuwihaw uze'eg zemueteahy hehe wà. Nuze'eg zemueteahy kwaw wanehe a'e. Upuraraw kar ma'erahy tetea'u izupe wà. — Azepyk putar penehe ihe nehe, ni'i kwaw wanupe. — Tupàn wexak wanemiapo kwer a'e. Uzepyk putar wanehe nehe, ta'e pureruze'eg ma'e ikatuahy ma'e romo hekon a'e xe, i'i wanupe.