Lucas 20:9 - Tupàn zeꞌeg

⁹ Na'e umume'u amo ma'emume'u haw teko wanupe a'e kury. — Nezewe awa a'e, utym ma'ywa'yw tetea'u oko pe. Na'e umuzekaiw kar amo teko oko rehe a'e wà kury. Na'e oho a'e wi wanuwi. Kwehe hekon amo ywy rehe.

Lucas 20:9 ပူးပေါင်းရင်းမြစ်များ

Jeremias 2:21

Aputym uwà 'yw heremixamixak kwer ài, uwà 'yw ikatu wera'u ma'e ài. Peme'e pezehezehe nehe kury. Uwà 'yw inem ma'e kwer romo peiko kury. Uwà 'yw ikatu 'ym ma'e romo peiko kury.

Mateus 25:14

Uze'eg wi urewe. — Tupàn pureruze'egaw nuzawy kwaw amo awa a'e nehe. A'e awa uzemuàgà'ym wata zanune. Wenoz wemiruze'eg wamuwà uzeupe wà. — Pezekaiw katu heremetarer rehe nehe, i'i wanupe.

Lucas 19:12

Na'e Zezuz uzypyrog uma'emume'u pà wanupe a'e kury.

Lucas 20:10

Ma'ywa ipo'o haw 'ar mehe omono kar amo wemiruze'eg oko rehe uzekaiw ma'e wanupe kury. — Erur ipo'o pyrer imuza'ak pà ihewe nehe, erur hema'e ihewe nehe, i'i izupe. Ko rehe uzekaiw ma'e upetepetek hemiruze'eg a'e wà, imuzewyr kar pà uzar pe a'e wà.

Lucas 20:8

— A'e rupi namume'u kwaw hemur kar har her peme ihe no, i'i wanupe.

Deuteronômio 16:18

Tupàn Tuweharupi Wiko Ma'e Zanezar umur putar tawhu peme nehe. A'e tawhu pupe peneko mehe pexaexak tàmuz zeàmàtyry'ymaw imuàgà'ymar pe wà nehe. Pexaexak tuwihaw Izaew ta'yr wazuapyapyr nànàn pe wà nehe no. Umuàgy'ygatu ma'e paw rupi imunar 'ym pà wà nehe.