Lucas 19:42 - Tupàn zeꞌeg

⁴² — A, Zeruzarez, aze mo pekwaw ikatu haw ipyhykaw kutàri, ikatu mo peme. Napexak kwaw a'e ma'e pe kury.

Lucas 19:42 ပူးပေါင်းရင်းမြစ်များ

Salmos 32:6

Nezewe mehe, tuwe neamutar katu har paw uze'eg newe wà nehe, Ma'erahy ipuraraw mehe wà nehe. Nezewe mehe, ma'erahyhu ykotok ài tur mehe nehe, Nuhem kwaw a'e teko wanupe nehe.

Salmos 81:13

Aze mo heremiaihu herenu wà, ikatu mo ihewe. Aze mo Izaew izuapyapyr hereruzar wà, herurywete mo ihe.

Isaías 44:18

Agwer teko nukwaw katu kwaw ma'e wà. Uzeàpumi wà. Nupuner kwaw ma'e hexakaw rehe wà. Uwàpytym uma'enukwaw paw wà no. Nukwaw kwaw ma'e wà.

Isaías 48:18

A, Aze mo peruzar heremiapo karer, penemetarer katu wera'u mo ko 'ar rehe. Penemetarer nuzawy iwer mo tyhu haw uwyrykahy ma'e. Tuweharupi peityk mo peàmàtyry'ymar pe wà. Waneitykaw nuzawy iwer mo ykotok yryhu rehe har. Nupytu'u iwer mo.

Isaías 55:6

Pekar Tupàn pezepytywà kar pà izupe nehe, hexakaw rehe pepuner mehe we nehe. Peze'eg Tupàn Tuweharupi Wiko Ma'e pe nehe, penuwake heko mehe we nehe no.

Jeremias 13:17

Aze napezekaiw kwaw hehe nehe, azai'o putar hezeàmim pà peneko wera'u haw rehe nehe. Azai'oahy putar nehe. Azuhen putar herehaykwer nehe. Ta'e zauxiapekwer weraha Tupàn hemiaihu wemipyhyk kwer romo wà xe.

Ezequiel 33:11

Emume'u ko heze'eg wanupe nehe. — Amume'uahy ko ma'e herekuwe haw rehe ihe kury. Naherurywete kwaw ikatu 'ym ma'e iapo har imàno mehe ihe. Aze mo upytu'u ikatu 'ym ma'e iapo re, ikatu wera'u mo ihewe. Teko Izaew izuapyapyr wà, pepytu'u ikatu 'ym ma'e iapo re nehe. Màràzàwe tuwe pemàno wer peiko.

Lucas 19:41

Uhem tawhu huwake kury. Hexak mehe uzai'o Zezuz taw pe har wanehe kury. Uze'eg wanupe.

Lucas 19:43

— Amo 'ar mehe ur putar peàmàtyry'ymar peneko haw pe a'e wà nehe. Uzapo putar ywykwar taw izywyr wà nehe, pemàmàn pà wà nehe. Peàmàtyry'ym putar wà nehe. Napepuner kwaw pehemaw rehe taw wi a'e 'ar mehe nehe.

Lucas 19:44

Pemumaw paw putar a'e wà nehe, pezuka pà a'e wà nehe. Weityk putar tàpuz paw rupi wà nehe, pàrirogaw paw rupi wà nehe no, ta'e napekwaw kwaw Tupàn ikatu haw ko 'ar rehe pe kury xe. Tupàn ur pepyr a'e kury, ipurupyro wer zepe penehe a'e kury. Napexak kwaw tur haw.

Atos 10:36

Umume'u kar uze'eg puràg Izaew ywy rehe har wanupe. — Aze pezeruzar Zezuz Tuwihawete rehe nehe, teko paw wazar rehe nehe, nazepyk kwaw penehe ihe nehe, i'i wanupe. Pekwaw imume'u awer.

Atos 13:46

Pawru a'e, Panape a'e no, nukyze kwaw wanuwi wà. Uze'eg wi wi zutew wanupe wà. — Tupàn umume'u kar uze'eg peme ràgypy a'e, ta'e peipy a'e wà xe, hemiruze'eg romo wanekon a'e wà xe. Napezeruzar kwaw hehe. A'e rupi Tupàn napemuigo kar kwaw uzepyr nehe. A'e rupi urupytu'u putar peme Tupàn ze'eg imume'u re ure nehe kury. Urumume'u putar oroho zutew 'ym wanupe nehe kury.

Deuteronômio 32:29

Aze mo wiko ma'e kwaw par romo wà, — Tupàn zanereityk zaneremiapo kwer rehe a'e, i'i mo wà. — Uzepyk zanerehe zaneremiapo kwer ikatu 'ygwer ma'e hekuzaromo a'e, i'i mo wà.

Deuteronômio 5:29

Aze mo wiko nezewe tuweharupi wà, ikatu mo ihewe wà. Aze mo hemuwete wà, aze mo weruzar heze'eg paw wà, a'e mehe mo ikatu mo ihewe wà. Nezewe mehe waneko haw ikatu mo tuweharupi. Wazuapyapyr waneko haw ikatu mo tuweharupi wà no.

Hebreus 3:13

Aze amo uzapo ikatu 'ym ma'e iko nehe, hehàpyhà 'ym ma'e ài hekon putar nehe. Nuexak kwaw Tupàn ikatu haw. A'e rupi nuweruzar kwaw ize'eg. Pezepytywàtywà tuweharupi nehe. A'e mehe napeiko kwaw uzeruzar 'ym ma'e romo nehe. Aze peinu Tupàn ze'eg kutàri nehe, peikuwe zo hehe uzeruzar 'ym ma'e romo nehe, i'i a'e ze'eg kwehe arer. A'e ze'eg a'e, uze'eg zanewe ko 'ar rehe a'e.

Hebreus 3:15

Nezewe i'i a'e ze'eg imuapyk pyrer a'e. — Aze peinu Tupàn ze'eg kutàri nehe, peikuwe zo hehe uzeruzar 'ym ma'e romo nehe.

Hebreus 3:7

Nezewe i'i Tekwe Puràg purupe a'e. Aze peinu Tupàn ze'eg kutàri nehe,