Lucas 19:41 - Tupàn zeꞌeg

⁴¹ Uhem tawhu huwake kury. Hexak mehe uzai'o Zezuz taw pe har wanehe kury. Uze'eg wanupe.

Lucas 19:41 ပူးပေါင်းရင်းမြစ်များ

2 Reis 8:11

Ume'egatu Erizew iko Azaew rehe. Ume'e wi wi hehe. Te imaranugar Azaew kury. Na'arewahy uzypyrog Erizew uzai'o pà kury.

Salmos 119:136

Herehaykwer uwyryk yrykawhu ài, Ta'e amogwer nuweruzar kwaw neze'eg wà xe.

Salmos 119:158

Nerehe uzeruzar 'ym ma'e wanehe heme'e mehe hehuhuk wer ihe. Ta'e nuweruzar kwaw neze'eg wà xe.

Salmos 119:53

Aikwahy teko ikatu 'ym ma'e Neze'eg izuhazuhaw har wanexak mehe ihe.

Isaías 22:4

A'e rupi aze'eg nezewe peme kury. — Petyryk ihewi kury. Tuwe azai'o hezemumikahy haw iro ma'e rehe nehe. Pezeagaw zo hemurywete kar pà nehe, ta'e teko heremiaihu u'ar tuwe iaiw paw rehe a'e wà xe, a'e wanupe ihe, i'i Tupàn.

Isaías 28:21

Na'e Tupàn Tuweharupi Wiko Ma'e upu'àm putar a'e nehe, ywytyr Perazi her ma'e rehe upu'àm awer zàwe a'e nehe. Wikwahy putar nehe, ywyàpyznaw Zimeàw her ma'e rehe ukwahy awer zàwe nehe no. Uzapo putar wemiapo putar haw nehe. Teko nukwaw kwaw hemiapo ràm a'e wà. Uzapo putar uma'ereko haw nehe no. — Màràzàwe tuwen aipo pa, i'i putar teko ima'ereko haw hexak mehe wà nehe no.

Jeremias 13:17

Aze napezekaiw kwaw hehe nehe, azai'o putar hezeàmim pà peneko wera'u haw rehe nehe. Azai'oahy putar nehe. Azuhen putar herehaykwer nehe. Ta'e zauxiapekwer weraha Tupàn hemiaihu wemipyhyk kwer romo wà xe.

Jeremias 17:16

Hezar. — Emu'ar kar neze'egaiw wanehe nehe, na'e pixik kwaw newe ihe. — Tuwe zawaiw katu waneko àwàm nehe, na'e kwaw newe. O Tupàn, erekwaw ko ma'e ne. Erekwaw heremimume'u kwer.

Jeremias 9:1

Aze mo heàkàg nuzawy iwer yzygwar, ikatu mo ihewe. Nezewe mehe hereha nuzawy iwer mo tehaykwer tetea'u imuhem kar haw. Nezewe mehe apuner mo hezai'o tetea'u haw rehe, 'aromo, pyhaw, heànàm izuka pyrer wanehe.

Oséias 11:8

Aipo apuner pewi hepuir haw rehe nehe, Izaew wà. Aipo napupytywà kwaw ihe nehe. Kwehe mehe amumaw Anima tawhu ihe. Aipo apumumaw putar nezewegatete nehe. Kwehe mehe aityk Zemoim tawhu ihe. Aipo apuityk putar nezewegatete nehe. Nan kwaw pa. Napuner kwaw nezewe haw iapo haw rehe nehe. Ta'e apupuhareko katu hepy'a pe ihe xe. Ta'e apuaihu katu ihe xe.

Lucas 19:42

— A, Zeruzarez, aze mo pekwaw ikatu haw ipyhykaw kutàri, ikatu mo peme. Napexak kwaw a'e ma'e pe kury.

João 11:35

Uzai'o Zezuz kury.