Lucas 18:24 - Tupàn zeꞌeg

²⁴ Wexak Zezuz izemumikahy mehe. Uze'eg izupe. — Zawaiw katu hemetarer katu ma'e Tupàn hemiruze'eg romo heko haw a'e.

Lucas 18:24 ပူးပေါင်းရင်းမြစ်များ

Salmos 10:3

Iaiw ma'e uze'egatu wemimutar ikatu 'ym ma'e rehe wà. — Na'ikàg kwaw a'e, i'i teko amo wanehe imunar ma'e wà, Tupàn Tuweharupi Wiko Ma'e rehe uze'eg pà wà. Uze'eg zemueteahy hehe wà.

Provérbios 11:28

Wemetarer rehe uzeruzar ma'e u'ar putar nehe. Imunar 'ym ma'e ikatu putar ka'a huwer ikyr katu ma'e ài wà nehe.

Provérbios 18:11

— Heremetarer hepyro iko a'e, i'i hemetarer katu ma'e uzeupe. Heta pàrirogaw iaiha ma'e tàtà ma'e tawhu iwyr. Nuzawy kwaw heremetarer, i'i uzeupe. — Hepyro putar nehe, i'i uzeupe.

Provérbios 30:9

Ta'e aze heta wera'u ma'e ihewe nehe, — Naputar kwaw Tupàn ihe, a'e putar ru'u newe nehe. Aze hemetarer 'ym ma'e romo aiko nehe, hemunar putar ru'u ma'e rehe nehe. Nezewe mehe arur putar maranugar haw Tupàn hezar her rehe nehe.

Jeremias 2:31

Peinu katu ko heze'eg nehe, pe paw rupi. Teko Izaew izuapyapyr wà. Aipo aiko ywyxiguhu ài peme. Aipo aiko ywy teko wazuka har ài. Màràzàwe tuwe peze'eg nezewe. — Uruzapo putar ureremimutar ure nehe, peze peiko. — Nuruzewyr kwaw newe nehe, peze ihewe. Màràzàwe tuwe peze'eg nezewe.

Jeremias 5:5

Aekar putar awa upuner ma'e ihe wà kury. Aze'eg putar wanupe nehe. Azeharomoete ukwaw Tupàn Tuweharupi Wiko Ma'e hemiapo putar haw wà. Ukwaw uzar hemiapo kar haw wà, a'e hezeupe. Nezewe rehe we paw rupi weityk Tupàn teko wazar heko haw wà. Na'ipureruzar wer kwaw hehe wà.

Marcos 6:26

Ero uzemumikahy a'e kury. Ta'e umume'u tuwe uze'eg Tupàn huwa rupi a'e xe, weminozgwer wanuwa rupi a'e no xe. A'e rupi nupuner kwaw henuxi haw rehe izuwi kury.

Lucas 18:23

A'e awa uzemumikahy ize'eg henu mehe a'e, ta'e hemetarer katu ma'e romo hekon tuwe a'e xe.