Lucas 15:18 - Tupàn zeꞌeg

¹⁸ — Aha putar heru ipyr kury. — Ikatu 'ym ma'e azapo kwez, Tupàn huwa rupi ihe, neruwa rupi ihe no, a'e putar izupe nehe, i'i uzeupe.

Lucas 15:18 ပူးပေါင်းရင်းမြစ်များ

2 Crônicas 33:19

Amo umuapyk amogwer Manaxe hemiapo kwer pape Tupàn ze'eg imume'u har wanemiapo kwer her ma'e rehe: Tupàn pe ize'eg awer, hemiapo kwer ikatu 'ym ma'e Tupàn pe uzewyr 'ym mehe we hemiapo kwer: tupàn a'ua'u imuwete katu awer, wamuwete katu haw iapo awer, ywyra tupàn a'ua'u hagapaw iapo awer, amo tupàn a'ua'u wanagapaw iapo awer. A'e ma'e paw umuapyk a'e pape rehe.

Salmos 25:11

O Tupàn Tuweharupi Wiko Ma'e, ezapo ma'e ze'eg neremimume'u kwer rupi nehe. Emunàn heremiapo kwer ikatu 'ym ma'e nehe, ta'e heta tetea'u a'e wà xe.

Provérbios 23:13

Aze kwarer uzapo ikatu 'ym ma'e nehe, ekwaekwar hehe nehe. Kuzàtài nezewegatete nehe no. Nepo pupe hehe nekwar haw nuzuka kwaw nehe.

Isaías 63:16

ta'e ereiko ureru romo ne xe. Ureipy a'e wà, Àmàrààw a'e, Zako a'e no, nuzekaiw kwaw urerehe wà. Na'ima'enukwaw kwaw urerehe wà. Ne Tupàn Tuweharupi Wiko Ma'e ne, ereiko ureru romo ne. Izypy mehe arer we, — Urepyro har, uru'e newe.

Jeremias 3:19

Uze'eg wi Tupàn Tuweharupi Wiko Ma'e kury. — Teko Izaew izuapyapyr wà. Hepurumuawyze wer zepe penehe hera'yr romo. Heporomono wer zepe amo ywy pemurywete kar har rehe peme. Ipuràg eteahy amo ywy wanuwi paw rupi. — Heru, peze putar ihewe nehe, a'e zepe hezeupe. — Napepuir pixik kwaw ihewi nehe, a'e hezeupe.

Jeremias 31:20

Teko Izaew wà. Ereiko hera'yr ihewe ikatu wera'u ma'e romo. Uruamutar wera'u amo wanuwi ihe. Nerer imume'u mehe tuweharupi hema'enukwaw nerehe neamutar katu pà ihe. Hepy'a uzemumikahy. Azeharomoete urupuhareko putar ihe nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Lamentações de Jeremias 3:29

Zazemumew ikàg 'ym ma'e ài nehe, ta'e Tupàn upuner zanepyro haw rehe a'e nehe xe.

Lamentações de Jeremias 3:40

Xixak tuwe zaneremiapo kwer nehe. Zazewyr Tupàn Tuweharupi Wiko Ma'e pe nehe no.

Daniel 4:26

— Ezo'ok zo ywyra ipy kwer nehe. Ezo'ok zo hapo kwer nehe, i'i Tupàn weko haw pe har wanupe. Uze'eg nezewe a'e, ta'e ereiko wi putar tuwihawete romo nehe xe. — Tupàn ywy nànànar wanuwihawete romo hekon a'e, aze ere nehe, xo a'e mehe zo ereiko wi putar tuwihawete romo nehe.

Jonas 2:4

— Aze ru'u Tupàn hereityk uzenatar wi a'e. Aze ru'u naexak wi pixik kwaw hàpuzuhu ikatu ma'e nehe, a'e hezeupe.

Jonas 3:9

Aze ru'u nezewe mehe Tupàn uzewyr putar uze'eg awer wi nehe. Aze ru'u uwew putar ikwahy haw nehe. Aze ru'u numumaw kwaw Nin nehe. Nezewe mehe nazamàno kwaw nehe.

Mateus 3:6

Uzemono oho a'e pe wà, Tupàn pe wà, wemiapo kwer katu 'ym ma'e wi uhem pà wà. — Nahekatu kwaw ihe, i'i izupe wà. — Azapo ikatu 'ym ma'e tuweharupi ihe, i'i izupe wà. — Apytu'u putar ikatu 'ym ma'e iapo re nehe, i'i izupe wà. Umuzahazahak Zuàw a'e uze'eg ma'e kwer a'e wà, Zotàw yrykaw pupe a'e wà.

Mateus 6:14

— Aze amo uzapo ikatu 'ym ma'e newe nehe, aze a'e re nereharaz hemiapo kwer wi nehe, a'e mehe neru ywate har heharaz putar neremiapo kwer ikatu 'ym ma'e wi a'e nehe no.

Mateus 6:9

Aze peze'eg izupe nehe, peze'eg nezewe nehe. Ureru ywate har, Tuwe teko paw umuwete katu nerer wà nehe, Nerer ikatuahy ma'e wà nehe.

Mateus 7:11

Napeiko kwaw ikatu ma'e romo Tupàn ài. Nezewe rehe we pekwaw ikatuahy ma'e imono haw pena'yr wanupe. Penu ywate har a'e, ikatuahy a'e. A'e rupi umur tuwe putar ikatuahy wera'u ma'e nehe, ma'e henoz har wanupe nehe.

Lucas 11:2

Na'e uze'eg Zezuz wemimu'e wanupe. — Nezewe peze'eg Tupàn pe nehe. — Ureru. Tuwe teko paw umuawate katu nerer a'e wà nehe. Tuwe teko paw neremiruze'eg romo wanekon wà nehe, ta'e wanuwihawete romo ereiko ne xe.

Lucas 15:17

Kwehe hekon nezewe a'e. Ima'uhez tuweharupi. Na'e i'i uzeupe kury. — Uma'ereko ma'e heru heko haw pe har a'e wà, heta tetea'u temi'u wanupe a'e wà. Nupuner kwaw imumaw paw rehe wà, i'i uzeupe. — Xe hema'uhez tuweharupi ihe. Àmàno etea'i hemai'u 'ym pà, i'i uzeupe.

Lucas 15:19

— A'e rupi naiko kwaw nera'yr romo ihe nehe, a'e putar izupe. — Hera'yr, ere zo ihewe, a'e putar izupe nehe. — Uma'ereko ma'e romo aiko putar xe nepyr nehe, a'e putar izupe nehe, i'i uzeupe.

Lucas 15:21

— Heru, i'i ta'yr izupe. — Ikatu 'ym ma'e azapo kwez Tupàn huwa rupi, neruwa rupi no, i'i izupe. — Naiko kwaw nera'yr romo ihe nehe kury, a'e rupi — Hera'yr, ere zo ihewe nehe, i'i izupe.

Lucas 18:13

Tuwihaw hemetarer imono'ogar a'e, xe ràn i'àz a'e. Ni nume'e kwaw ywak rehe. Ukwaukwar upuxi'a rehe, ta'e imaranugar Tupàn wi a'e xe. — O Tupàn, i'i Tupàn pe. — Hepuhareko pe nehe ty, ta'e ikatu 'ym ma'e iapo har romo aiko ihe xe, i'i izupe.