Lucas 13:17 - Tupàn zeꞌeg

¹⁷ Iàmàtyry'ymar imaranugar ize'eg henu mehe wà. Amogwer teko a'e wà, hurywete a'e wà, ta'e uzapo ikatu ma'e a'e xe.

Lucas 13:17 ပူးပေါင်းရင်းမြစ်များ

Salmos 109:29

Tuwe iaiw haw tetea'u u'ar heàmàtyry'ymar wanehe nehe. Tuwe maranugar haw upyk kamir ài wà nehe no.

Salmos 111:3

Heta puràg eteahy haw hemiapo kwer nànàn. Heta uhua'u haw hemiapo kwer nànàn no. Teko wanupe ikatuahy haw nupaw pixik kwaw nehe.

Salmos 132:18

Amumaranugar kar putar iàmàtyry'ymar ihe wà nehe. Tuwihawete ikàg rehe har heny katu a'e. Nezewegatete a'e Tawi izuapyr ipureruze'egaw ipuràg eteahy putar nehe, ikàg wera'u putar nehe, i'i Tupàn.

Salmos 40:14

Tuwe amo weityk herehe ipuruzuka wer ma'e wà nehe, ikàg 'ym ma'e romo wamuigo kar pà wà nehe. Tuwe hema'erahy rehe hurywete ma'e uzàn umaranugar romo wà nehe.

Êxodo 15:11

Ma'enugar tupàn a'ua'u wiko ne ài a'e wà. Ma'enugar ikatu ne ài wà. Ma'enugar ikàg ne ài wà. Ma'enugar uzapo hexak pyr 'ym ne ài wà. Ma'enugar uzapo purumupytuhegatu kar haw ne ài wà.

Isaías 4:2

Tupàn Tuweharupi Wiko Ma'e utym putar Ywyra Hàkàgwer Ipyahu Ma'e a'e nehe. A'e 'ar mehe a'e hàkàgwer hezuz katu putar ikàg ma'e romo ipuràg eteahy ma'e romo wiko pà nehe. Izaew ywy rehe har wikuwe ma'e hurywete putar wà nehe. Wiko wera'u putar wà nehe, ta'e Tupàn omono putar ikatuahy ma'e tetea'u wanupe nehe xe.

Isaías 45:24

— Ne Tupàn Tuweharupi Wiko Ma'e ne, xo ne zo erepuner nepuner haw imono haw rehe purupe. Xo ne zo ereityk kar amo amo ae wanupe wà, i'i putar wà nehe. Heàmàtyry'ym arer paw wiko putar ikàg 'ym ma'e romo wà nehe. Imaranugar putar herenataromo wà nehe.

Isaías 66:5

Teko Tupàn Tuweharupi Wiko Ma'e wi ukyze ma'e a'e wà, heruzar har a'e wà, pezeapyaka katu ize'eg rehe nehe. Tupàn Tuweharupi Wiko Ma'e uze'eg nezewe peme. — Peywy rehe har na'iakatuwawahy kwaw penehe wà. Napekatu kwaw wanupe pe no, ta'e pezeruzar tuwe herehe xe. Uze'eg nezewe peme wà. — Tuwe Tupàn Tuweharupi Wiko Ma'e ur wapyro pà nehe. Nezewe mehe urexak putar wanurywete haw nehe, i'i wà. A'e teko imaranugar putar wà nehe.

Lucas 14:6

Nuze'eg kwaw izupe wà, ta'e ize'eg azeharomoete a'e xe. —

Lucas 18:43

A'e 'ar mehe we upuner ma'e hexak katu haw rehe. Oho Zezuz hupi kury. Uze'egatu Tupàn rehe, umukatu haw rehe. Hexak mehe teko uze'egatu waiko Tupàn rehe a'e wà no.

Lucas 19:48

Nupuner kwaw wà, ta'e teko wenu katu ize'eg a'e wà xe. Uzeapyaka katu waiko ize'eg rehe tuweharupi wà, ta'e ipurenu wer tuwe ize'eg rehe paw rupi katete a'e wà xe.

Lucas 20:40

Ukyze katu izuwi wà kury, hehe upuranu 'ym pà wà kury. — Màràzàwe tuwe Tawi umuawate katu wemimono uzexak kar ma'e ràm a'e, i'i Zezuz a'e kury.

Atos 4:21

— Aze napepytu'u kwaw nehe, uruzepyk putar penehe nehe, i'i tuwihaw, Pet wanupe wà. Na'e tuwihaw umuhem kar Pet a'e wi wà kury. Uhem wazemono'ogaw wi wà. Tuwihaw upyta a'e pe wà. Teko paw uze'egatu Tupàn rehe wà, wata ma'e kwer imukatu awer imume'u pà uzeupeupe wà. — Ma'e xiapo putar wanupe nehe, wanehe zanezepyk pà nehe, i'i zepe tuwihaw uzeupeupe wà.

2 Timóteo 3:9

Kwehe mehe teko a'e wà, Zàn, Zàm waze'eg henu mehe a'e wà, nuzekaiw kwaw waze'eg rehe a'e wà, ta'e ukwaw wanemu'em awer a'e wà xe. Nezewegatete awa ko 'ar rehe har a'e wà nehe no, teko nuzekaiw kwaw waze'eg rehe a'e wà nehe no, ta'e ukwaw putar wanemu'em awer a'e wà nehe no xe.

Tito 2:8

Emume'u ze'eg azeharomoete har amogwer wanupe nehe, neremu'em 'ym pà wanupe nehe. A'e rupi neamutar 'ymar a'e wà nehe, imaranugar putar newi a'e wà nehe, ta'e eremume'u ze'eg azeharomoete har eho iko wanupe xe. A'e rupi nuze'eg zemueteahy kwaw zanerehe wà nehe. Nuze'eg zemueteahy kwaw uzeruzar ma'e wanehe wà nehe.

1 Pedro 3:16

Imume'u mehe peze'eg ahyahy zo wanupe nehe. Pemuwete pe wà nehe, wanupe peze'eg mehe pe wà nehe. Pezapo zo ikatu 'ym ma'e nehe. A'e mehe, aze amo uze'eg zemueteahy penehe wà nehe, a'e re imaranugar putar uze'eg zemueteahy re wà nehe. — Zezuz tuwihawete hemiruze'eg romo wanekon wà. Xo ikatu ma'e uzapo wà, i'i putar peme wà nehe.