Lucas 1:69 - Tupàn zeꞌeg

⁶⁹ Umur kar zanepyro har ikàg ma'e a'e kury. Zanepyro har a'e, wemiruze'eg Tawi zuapyr romo hekon a'e.

Lucas 1:69 ပူးပေါင်းရင်းမြစ်များ

2 Samuel 22:3

Nuzawy kwaw itahu hezeàmimaw ihewe. Ni amo nahezuka kwaw hehe we hereko mehe wà. Hepyro u'yw wi purumimaw ài a'e. Uzuka heàmàtyry'ymar hepyro pà. Hepyro har romo hekon. Uzekaiw katu herehe ma'erahy wi hepyro pà.

2 Samuel 7:26

Teko ywy nànànar ukwaw putar nerer wà nehe. — Tupàn ikàg wera'u ma'e wiko Izaew wazar romo a'e, i'i putar newe wà rehe. Tuweharupi eremuigo kar putar amo hezuapyr tuwihawete romo nehe no.

1 Reis 11:13

— Nazo'ok kwaw iziwy paw izuwi nehe. Wiko putar pitài Izaew ta'yr izuapyapyr wanuwihawete romo nehe. Ta'e azamutar katu heremiruze'eg Tawi ihe xe. Ta'e azamutar katu Zeruzarez tawhu hema'e romo iapo pyrer ihe xe, i'i Tupàn Xàrumàw pe.

Salmos 18:2

Tupàn Tuweharupi Wiko Ma'e wiko hepyro har romo. Tupàn Tuweharupi Wiko Ma'e wiko hemukàg kar har romo no. Tupàn hezar wiko itahu hemimaw romo. Ni amo nupuner kwaw ikatu 'ym ma'e iapo haw rehe ihewe wà nehe, ta'e aiko hehe we ihe xe. Hepyk u'yw wi purupykaw ài a'e. Uzàmàtyry'ym heàmàtyry'ymar hepyro pà.

Salmos 89:17

Ne, o Tupàn, ereiko urekàgaw ipuràg ma'e romo ne. Nekatu haw rupi ereityk kar urewe ne wà.

Salmos 89:3

Nezewe ereze'eg kwez ne. — Aexaexak heremiaihu Tawi ihe. Azapokatu heze'egaw hehe we no. Amume'u ko ma'e heremiapo ràm izupe.

Jeremias 30:9

Wiko putar heremiruze'eg romo wà nehe. Aiko Tupàn Tuweharupi Wiko Ma'e romo ihe wazar romo ihe. Wiko putar Tawi izuapyr hemiruze'eg romo wà nehe no. Amono putar a'e awa heremiaihu wanupe wanuwihawete romo ihe nehe.

Ezequiel 29:21

A'e ma'e izeapo mehe amukàg putar Izaew izuapyapyr ihe wà nehe. Ne Ezekiew, urumuze'eg kar putar ihe nehe. Teko paw upuner putar nerenu haw rehe wà nehe. Nezewe mehe ukwaw putar Tupàn Tuweharupi Wiko Ma'e romo herekuwe haw wà nehe.

Amós 9:11

Tupàn Tuweharupi Wiko Ma'e uze'eg nezewe kury. — A'e 'ar mehe azapo wi putar Tawi tuwihawete romo heko haw ihe nehe. Nuzawy kwaw tàpuz u'ar ma'e kwer. Awàpytym putar ixorok awer ipàrirogaw aiha ma'e rehe ihe nehe. Azapo wi putar a'e tàpuz u'ar ma'e kwer nehe. Kwehe mehe ikatu tàpuz. Ikatu wi putar kwehe arer zàwegatete nehe.

Mateus 1:1

Ai'aw Zezuz hàmuzgwer waner xe a'e wà kury. Zezuz Zaneruwihawete a'e, Tawi izuapyr romo hekon a'e. Tawi Àmàrààw izuapyr romo hekon a'e. Na'aw Zezuz Zaneruwihawete izypy waner xe a'e wà kury.

Marcos 11:10

Ne pureruze'eg ma'e romo ereiko ne, Tuwihaw Tawi ài ne. Tuwe Tupàn uzapo ikatuahy ma'e newe nehe kury. Tuwe Tupàn uremukatu azeharomoete nehe.

Apocalipse 22:16

— Ihe Zezuz ihe, amono kar heze'eg heraha har kwez peme ihe kury, uzeruzar ma'e wanupe ihe kury. Tawi hemimino Tawi zuapyr romo aiko ihe. Zahytata uhyape katu ma'e izi'itahy har romo aiko ihe, i'i Zezuz iko zanewe.

1 Samuel 2:1

Na'e Àn uze'eg Tupàn pe kury. — Tupàn Tuweharupi Wiko Ma'e umynehem hepy'a herurywete haw pupe a'e. Apuner heata haw rehe amogwer wanuwake ihe kury, ta'e uzapo a'e ikatu ma'e ihewe a'e 'y. Apuka iteko heàmàtyry'ymar wanehe. Herurywete tuwe no. Ta'e Tupàn hepytywà a'e 'y.

1 Samuel 2:10

Tupàn Tuweharupi Wiko Ma'e umumaw putar waàmàtyry'ymar a'e wà nehe. Wànoànog putar ywak rehe wakutyr nehe. Umume'u putar teko ywy rehe har wanemiapo kwer upaw rupi katete a'e nehe. Omono putar ukàgaw, wemixak kwer tuwihawete pe nehe. Upytywà putar a'e wemixak kwer tuwihawete a'e nehe. A'e rupi a'e tuwihawete weityk putar waàmàtyry'ymar a'e wà nehe. Upaw Àn ze'eg awer xe kury.