Lucas 1:54 - Tupàn zeꞌeg

^54-55 Upytywàgatu wemiruze'eg Izaew izuapyapyr a'e wà, ta'e upuhareko katu a'e wà 'y. Naheharaz kwaw wapuhareko haw wi a'e no. Ta'e kwehe mehe umume'u wapuhareko àwàm zaneràmuzgwer wanupe a'e 'y, Àmàrààw pe a'e 'y, izuapyapyr wanupe a'e no 'y.

Lucas 1:54 ပူးပေါင်းရင်းမြစ်များ

Salmos 46:5

Tupàn wiko a'e tawhu pupe. Teko nuityk pixik kwaw a'e tawhu wà nehe. Ku'em mehe izi'itahy Tupàn upytywà putar a'e tawhu a'e nehe.

Salmos 98:3

Upuruamutar katu a'e. Nutyryk kwaw wemiaihu wanuwi. A'e rupi uzapo ma'e uze'eg Izaew wanupe imume'u pyrer rupi katete a'e. Te ywy muite wera'u ma'e rehe har wexak Tupàn Zanezar wàmàtyry'ymar waneityk awer wà.

Isaías 44:21

Tupàn Tuweharupi Wiko Ma'e uze'eg. — Izaew wà, pema'enukwaw ko ma'e rehe nehe. Peneharaz zo heremiruze'eg romo peneko haw wi nehe. Apumuigo kar hereruzar har romo ihe. Nahereharaz pixik kwaw pewi ihe nehe.

Jeremias 31:20

Teko Izaew wà. Ereiko hera'yr ihewe ikatu wera'u ma'e romo. Uruamutar wera'u amo wanuwi ihe. Nerer imume'u mehe tuweharupi hema'enukwaw nerehe neamutar katu pà ihe. Hepy'a uzemumikahy. Azeharomoete urupuhareko putar ihe nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 31:3

azexak kar wanupe ihe. Teko Izaew izuapyapyr wà, tuweharupi apuamutar katu ihe. Apuamutar katu putar ihe nehe no. Tuweharupi aexak kar peamutar katu haw peme ihe.

Miquéias 7:20

Kwehe mehe eremume'u neremiapo ràm ureipy wanupe. — Tuweharupi aiko putar pemyrypar romo nehe. Tuweharupi apuamutar katu putar nehe, ere ureipy wanupe. A'e rupi erezamutar katu putar Àmàrààw izuapyapyr tuweharupi ne wà nehe, Zako izuapyapyr ne wà nehe no. Ureamutar katu pe tuweharupi nehe. Upaw.

Lucas 1:53

Omono temi'u hete katu ma'e ima'uhez ma'e wanupe no. Omono kar hemetarer katu ma'e uzewi a'e wà no, temi'u imono 'ym pà wanupe a'e wà no.