Levítico 2:16 - Tupàn zeꞌeg

¹⁶ Na'e xaxeto wapy putar a'e arozràn ikurer ma'ea'yr hapy haw rehe nehe, uri kawer rehe we nehe, yhyk zàwenugar rehe we nehe no. Nezewe mehe teko ima'enukwaw putar ko ma'e rehe wà nehe: Omono a'e ma'e paw Tupàn pe a'e, i'i putar hehe uma'enukwaw pà wà nehe.

Levítico 2:16 ပူးပေါင်းရင်းမြစ်များ

Salmos 141:2

Einu heze'eg nehe. Tuwe nuzawy kwaw yhyk hyàkwegatu ma'e newe nehe. Aupir hepo nerenataromo newe heze'eg mehe. Tuwe nuzawy kwaw ma'e newe imono pyr karuketea'i mehe har newe nehe.

Isaías 61:1

Tupàn Tuweharupi Wiko Ma'e umur wekwe ihewe a'e. Herexak uze'eg ikatu ma'e purupe heraha kar pà ihewe. — Eraha hemetarer 'ym ma'e wanupe nehe, i'i ihewe. Hemono kar ma'erahy ipuraraw par wamurywete kar pà ihewe. — Emume'u imunehew pyrer wamuhem kar àwàm eho purupe nehe. Emume'u zemunehew paw pe har wamuhem kar àwàm wanupe nehe no, i'i ihewe.

Levítico 1:9

Awa uzuhez putar hie parer nehe, hetymàgwer nehe no. Ukaz putar ma'ea'yr hapy haw rehe nehe no. Xaxeto wapy putar tapi'ak awa nehe, Tupàn Tuweharupi Wiko Ma'e pe imono pyr hyàkwegatu ma'e romo nehe.

Levítico 2:12

Pemono arozràn izypy mehe ipo'o pyrer Tupàn Tuweharupi Wiko Ma'e pe nehe. Xaxeto nuwapy kwaw a'e arozràn ma'ea'yr hapy haw rehe wà nehe.

Levítico 2:14

Arozràn izypy mehe ipo'o pyrer Tupàn Tuweharupi Wiko Ma'e pe imono mehe nehe, epyhyk arozràn haryw ikyr katu ma'e rehe har izupe nehe. Emuku'i nehe. Emihir nehe. A'e re eraha izupe nehe.

Levítico 2:15

Emono uri kawer hehe nehe. Emono yhyk zàwenugar hehe nehe no.

Levítico 2:9

Upyhyk putar imono pyr ikurer pixika'i ma'e nehe, hapy pà ma'ea'yr hapy haw rehe nehe. Nezewe mehe teko ima'enukwaw putar ko ma'e rehe wà nehe: Omono a'e ma'e paw Tupàn pe a'e. Temi'u Tupàn Tuweharupi Wiko Ma'e pe imono pyr hyàkwegatu ma'e romo a'e.

Hebreus 5:7

Ko ywy rehe wiko mehe uze'eg Zezuz Tupàn pe tuweharupi a'e. — Hepytywà pe nehe, i'i izupe tuweharupi. Uzai'o izupe uze'eg mehe no. Tupàn upuner mo imàno haw wi ipyro haw rehe a'e. Nupyro kwaw. Zezuz uzeapo ikàg 'ym ma'e romo. Weruzar Tupàn ze'eg iko tuweharupi, hemiapo putar haw iapo pà. A'e rupi Tupàn wenu ize'eg mehe.