Levítico 17:13 - Tupàn zeꞌeg

¹³ Amo Izaew izuapyr nehe, aze ru'u amo ywy rehe arer Izaew wainuinuromo wiko ma'e nehe, aze uzuka miar i'u pyràm nehe, aze uzuka wiràmiri i'u pyràm nehe, tuwe uzakook huwykwer ywy rehe nehe. A'e re upyk putar ywy pupe nehe.

Levítico 17:13 ပူးပေါင်းရင်းမြစ်များ

Jó 16:18

O ywy, ezumim zo ikatu 'ym ma'e ihewe iapo pyrer nehe. Ahapukaz hemukatu àwàm henoz pà. Ezupyk kar zo heze'eg nehe.

Provérbios 6:26

Wyzài awa upuner kuzàwyzài puhe oho haw rehe temetarer pixika'i ma'e rehe a'e. A'e re a'e awa umekuzar putar ipuhe oho awer weko haw pupe nehe.

Ezequiel 24:7

Heta puruzuka haw tawhu pupe. Nuzakook kwaw wanuwy kwer ywy rehe wà. Ywy upuner mo imimaw rehe. Uzakook itahu rehe wà.

Levítico 17:12

A'e rupi Tupàn umume'u a'e uze'eg a'e: ni amo Izaew izuapyapyr wà nehe, ni amo amo ywy rehe arer Izaew wainuinuromo wiko ma'e wà nehe, nupuner kwaw ma'ea'yr huwykwer i'u haw rehe wà nehe.

Levítico 7:26

Wyzài taw pe wyzài ywy rehe wiko mehe wà nehe, Izaew izuapyapyr nu'u kwaw ma'ea'yr huwykwer wà nehe. Nu'u kwaw wiràmiri huwykwer wà nehe.

Deuteronômio 12:16

Pe'u zo ma'ea'yr huwykwer nehe. Peityk huwykwer ywy rehe 'y ài nehe.

Deuteronômio 12:24

Pe'u zo ma'e huwykwer nehe. Pezakook ywy rehe 'y ài nehe.

Deuteronômio 15:23

Pe'u zo huwykwer nehe. Pezakook ywy rehe 'y ài nehe.