Juízes 7:25 - Tupàn zeꞌeg

²⁵ Upyhyk Orew wà, upyhyk Zeew wà no. Mokoz Minià wanuwihawete romo wanekon wà. Uzuka Orew ita Orew her ma'e i'aromo wà. Uzuka Zeew heko haw pe ma'e'a kwer iàmi haw pe wà no. Oho wi Minià wanaikweromo wà no. Weraha Orew iàkàgwer wà no. Weraha Zeew iàkàgwer Zineàw pe wà. Zotàw yrykaw huwake kwarahy hemaw kutyr hekon a'e 'ar mehe a'e.

Juízes 7:25 ပူးပေါင်းရင်းမြစ်များ

Salmos 83:10

Eremumaw a'e zauxiapekwer Enor ywy rehe ne wà. Wanetekwer inem ywy rehe wà.

Isaías 10:26

Ihe Tupàn Tuweharupi Wiko Ma'e Ikàg Wera'u Ma'e ihe, azepyk putar Axir wanehe hepurupetekaw pupe nehe. Kwehe mehe azapo nezewe haw Minià izuapyapyr wanupe, itahu Orew her ma'e huwake ihe. Azepyk Ezit rehe kwehe mehe. Azepyk putar Axir wanehe nezewegatete nehe no.

Isaías 9:4

Wiko amo pe uma'ereko e ma'e romo wà. Eremonohok kyhàhàm tàtà ma'e wàpixipixi haw ne. Wazar unupà ywyra pupe wà. Erezuhaw a'e ywyra ne. Wàmàtyry'ymar wiko wazar romo wà. Eremumaw wazar ne wà. Nezewegatete kwehe mehe eremumaw Minià izuapyapyr wà.

Habacuque 3:7

Aexak teko Kuxà ywy rehe har wazeputupytupykahy mehe ihe wà. Aexak teko Minià ywy rehe har wakyze katu mehe ihe wà no.

Josué 7:26

Uzutym Àkà hetekwer a'e pe wà. Umuapyapyk ita tetea'u itym awer 'aromo wà, ywytyra'i iapo pà i'aromo wà. Te kutàri a'e ita ywytyra'i romo iapo pyrer a'e pe hin a'e kury. A'e ma'e izeapo re Tupàn upytu'u wikwahy re a'e kury. Hakuir. A'e 'ar henataromo, te kutàri, ywy iàpy'àmaw iapypew paw Akor her ma'e i'i teko a'e ywy pe wà. — Ywy iàpy'àmaw iapypew paw iaiw paw, i'i her zaneze'eg rupi.