Juízes 5:26 - Tupàn zeꞌeg

²⁶ Upyhyk a'e ywyra'i tàpuzràn ikokaw haime katu ma'e opo pupe. Upyhyk ita uka haw opo inugwer pupe. Ukutuk Xi a'e, iàkàg ika pà. Ukutuk iàkàg ipei'ài'àg pà a'e no.

Juízes 5:26 ပူးပေါင်းရင်းမြစ်များ

2 Samuel 20:22

Na'e oho kuzà teko tawhu pe har wanupe pureruze'egaw imume'u pà kury. Weruzar ize'eg wà. Omonohok Xewa iàkàg izuwi wà. Omomor iàkàgwer pàrirogaw ikupe pe Zoaw pe wà kury. Na'e upy Zoaw uxi'àm kury. Omono'og zauxiapekwer uzehe we har paw wà. Upaw rupi wezar a'e tawhu wà, weko haw pe oho pà wà. Na'e uzewyr Zoaw oho tuwihawete Tawi hake Zeruzarez pe kury.

Juízes 4:21

Ikene'o tuwe a'e. A'e rupi uker katu kury. Na'e Zaew upyhyk itaxu imuixe haw kury. Upyhyk ywyra'i tàpuzràn ikokaw no. Uhem huwake uze'eg 'ym pà. Ukutuk iàkàg tàpuzràn ikokaw pupe. Waxaw iàkàg ywyra'i pupe. Ywy pupe wixe. Umàno tuwihawete kury.

Juízes 5:25

Xi wenoz 'y izupe. Omono ma'e kamykwer izupe a'e. Werur ikawer izupe kawaw puràg eteahy ma'e pupe.

Juízes 5:27

U'ar upenàràg rehe wapyk pà. U'ar ywy rehe uzerew pà. Wapyk upenàràg rehe ipy huwake. U'ar ywy rehe uzerew pà. Umàno ywy rehe u'ar mehe.