Juízes 5:21 - Tupàn zeꞌeg

²¹ Yrykaw Kizom tynehem 'y pupe a'e. Weraha Izaew waàmàtyry'ymar wazuka pà a'e wà. Yrykawhu kwehe arer a'e, Kizom her ma'e a'e. Ata putar nehe, Ata putar hekàgaw rupi nehe.

Juízes 5:21 ပူးပေါင်းရင်းမြစ်များ

Gênesis 49:18

O Tupàn Tuweharupi Wiko Ma'e, hepyro pe nehe. Àro hepyro àwàm iteko.

1 Reis 18:40

— Pepyhyk Ma'aw ze'eg imume'u har pe wà kury. Ni pitài napemuhem kar kwaw nehe, i'i Eri teko wanupe. Upyhyk paw rupi wà. Umuezyw kar Eri a'e Ma'aw ze'eg imume'u har yrykaw Kizom her ma'e pe wà. Uzuka paw rupi a'e pe wà.

Salmos 44:5

Uruityk ureàmàtyry'ymar nepuner haw pupe ure wà. Urumumaw urekutyr ur ma'e ure wà, ta'e ereiko urerehe we ne xe.

Êxodo 15:2

Tupàn Tuweharupi Wiko Ma'e wiko hepytywà har ikàg ma'e romo. Wiko hepyro har romo. Hezar romo hekon. Amume'u putar ikatu haw nehe. Heru izar romo hekon. Amume'u putar ikàgaw hezegar pà nehe.

Isaías 25:10

Tupàn Tuweharupi Wiko Ma'e uzekaiw katu putar Xiàw ywytyr rehe a'e nehe. Teko upyropyrog ka'axinig ma'ea'yr hepuxi kwer inuromo hapy pyràm iapo pà wà. Nezewegatete zauxiapekwer upyropyrog putar Moaw waiwy rehe wà nehe.

Miquéias 7:10

Ureàmàtyry'ymar wexak putar hemiapo ràm wà nehe. Hexak mehe imaranugar putar wà nehe. Ta'e a'e 'ym mehe uze'eg zemueteahy Tupàn rehe a'e wà xe. — Ma'e pe hekon Tupàn pezar a'e, i'i urewe wà. Tupàn weityk putar ureàmàtyry'ymar wà nehe. Urerurywete putar hexak mehe nehe. Teko upyropyrog oho waiko to'om pe tawhu myter rupi har rehe har rehe wà. Nezewegatete Tupàn upyropyrog putar ureàmàtyry'ymar wanehe nehe.

Juízes 4:13

A'e rupi Xi omono'og uma'e 900 ywyramawa itatàtà romo iapo pyrer wà kury. Omono'og wemiruze'eg zauxiapekwer paw wà no. Weraha Arozet-Agozi wi wà, yrykaw Kizom her ma'e pe wà.

Juízes 4:7

— Xi a'e, Zamim hemiruze'eg zauxiapekwer wanuwihaw a'e, kwe rupi hekon a'e, ywyramawa wanehe we a'e, zauxiapekwer wanehe we a'e. Nemora werur putar Xi yrykaw Kizom her ma'e pe a'e nehe. Omono putar nepo pe nehe, ere izupe nehe, i'i Nemora uze'eg heraha àràm pe. Heraha har weraha ize'eg Marak pe kury.